HARURUAR 23:12 - BIBEL JAMITA NA DENGGAN

¹² Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

HARURUAR 23:12 ပူးပေါင်းရင်းမြစ်များ

NEHEMIA 13:16

Adong halak na sian Tirus na maringanan di Jerusalem maroban harasak dohot barang sigadison marragam-ragam tu Jerusalem di Ari Sabat, sigadison tu rayat i.

HARURUAR 16:23

Gabe didok si Musa ma tu halahi, “Madung ditontuhon Tuhan, ancogot i ma ari na badia laho maradian, ari na nihaulkon tu Tuhan. Sanga aha na giot tutungonmunu sadari on, tutung hamu ma. Lobina i dipaasing jana disimpan ma i tu ancogot.”

HARURUAR 23:11

Tapi anggo taon papituhon, angkon padiaronmunu do tano i. Anggo di na sataon i, ulang palagut hamu sanga aha na tubu sandiri di ladangmunu i. Padiar hamu ma i di angka na pogos sian hamu, jana asingna i padiar dipangan binatang harangan. Laing songon i ma baen hamu dohot tu kobun anggur bope tu angka bona ni zetunmunu.

HARURUAR 34:21

Onom ari ma lolotmu diloas markarejo, tapi anggo di ari papituhon angkon maradian do jana di hatiha ni pangkuron pe sanga di sabion angkon laing pasangaponmu do ari paradianan i.

HARURUAR 35:2

Onom ari lolotna tola mambaen karejo, tapi anggo ari papituhon angkon adong do ari adian na badia di hamu, i ma Sabat, Ari Paradianan na gok di Tuhan; sanga ise na markarejo di ari i, angkon mate niuhuman.

HARURUAR 35:3

Salang pagara api pe di bagas nada tola anggo di Ari Sabat i.”

JESAYA 58:3

Disapai bangso i do, “Aha gunana puaso hita anggo na so niida ni Debata! Aha gunana tapaserep rohanta, anggo na so diparrohahon Ia do?” Ninna Tuhan, “Satutuna muda hatiha puaso hamu, na marsijalahi untungna be do hamu jana mamoro sian angka halak na niupaanmunu.

HAMALIMON 23:3

Sanga di dia sajo pe hamu maringanan angkon sumurung Ari Sabat i baenonmunu di Au. Onom ari honokna hamu markarejo tapi ingot ma, ari papituhon, Ari Sabat ari paradianan do i. Nada tola markarejo di ari i, hum marpungu do laho pasangap Au.

MARKUS 2:27

Didok Jesus dope muse, “Dibaen pe Ari Sabat i, na porlu di jolma do i. Nada jolma i dibaen porlu di Ari Sabat.

LUKAS 13:14

Muruk ma kapala ni bagas paribadatan i, hara ni na nipamalum ni Jesus halak di Ari Sabat. Didok ia ma tu angka halak na disi, “Onom ari honokna markarejo hita, marroan ma di angka ari i na giot sipamalumon, ulang ma hatiha di Ari Sabat!”