HARURUAR 23:1 - BIBEL JAMITA NA DENGGAN

¹ “Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

HARURUAR 23:1 ပူးပေါင်းရင်းမြစ်များ

PAMUNGKAAN 39:17

Jadi laing dicaritohon ia ma carito i tu halaklahinia i, ning ia, “Halak Ibrani na niobanmi tu bagas on, masuk tu kamarku jana dipalayas ia au.

2 SAMUEL 16:3

Dung i disapai raja i ma tusia, “Di dia si Mefiboset pahompu ni tuanmi?” “Laing di Jerusalem do ia,” ning si Ziba mangalusi, “harana pos do rohania na giot paulahon ni halak Israel ma saonnari tusia harajaan ni si Saul, ompungnia i.”

2 SAMUEL 19:27

Dipatubu-tubu ia muse dope hata na so tutu maradopkon au tu raja i. Tapi songon surusuruan ni Debata do raja i. Antong dibaen raja i ma sanga aha na denggan di roha ni raja i.

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 120:3

Aha ma he na dilehen tu ho, jana aha ma he na dipatamba tu ho, ale pangicu?

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

MASMUR 27:12

Ulang pasahat au tu alongku, na mangaroro au mardongan hasaksian gabus dohot hakejamon.

MASMUR 35:11

Marsaksi do halak na jahat manudu au, salaho tu parkaro na so hupaboto-boto.

HARURUAR 20:16

Ulang gabe saksi pargabus maradopkon dongan.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

PODA 12:17

Marhite na mandok na tigor, dipajongjong halak hatigoran; marhite gabus, diparo halak hageduhan.

PODA 14:5

Saksi na jujur sai mandok na satutuna; saksi na so haposan, sai margabus do karejona.

PODA 17:4

Parjahat mangihutkon usul na jahat, pargabus mangihutkon gabus dohot ginjang ni dila.

PODA 19:28

Sada saksi pargabus palayasonna do hatigoran; dabuhonon ni hajahatanna do hatigoran.

PODA 19:5

Halak na margabus di pangadilan, nada malua sian uhuman.

PODA 19:9

Nada malua sian uhuman saksi pargabus, tapi halak na margabus diparsoada do.

PODA 21:28

Mago do saksi pargabus; tapi martarimo do hatorangan ni na umboto parsoalan i.

PODA 24:28

Ulang ho na gabe saksi maradopkon halak na asing anggo so adong alasan na patut; jana ulang ho margabus salaho tusia.

PODA 25:18

Bolas do mamatehon hata-hata na dipatubu-tubu, songon podang, potuk-potuk sanga pana na tajom situtu.

PODA 25:23

Alogo sian Utara pasti parohon udan; songon i muse ma na pahata-hatahon tontu patubu hamuruhan.

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

HAMALIMON 19:11

Ulang ho manangko, mangicu sanga margabus.

HAMALIMON 19:16

Ulang sai dokkon barita-barita gabus sanga tu ise pe. Muda marguru di parkaro ni sada-sada halak noma ngoluna sanga hamamatena hatiha ditimbang parkarona i, mangkuling ma ho muda tarbaen hasaksianmi mangurupisa. Au do Tuhan.

MATEUS 19:18

“Parenta na dia ma i?” ning bayo i manyapai. Dialusi Jesus ma, “Ulang ho mamunu, ulang ho markarosuan, ulang ho manangko; ulang ho margabus.

LUKAS 19:8

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

LUKAS 3:14

Adong muse do tentara na manyapai, “Bia do taringot tu hami? Aha do sibaenonnami?” Dialusi si Johannes ma, “Ulang jagiti hamu hepeng sanga sian ise pe hara ni na nipaksa bope markite-hite adu-aduan na so tutu tusia. Gajimi ma hangoluhon!”

JOHANNES 7:51

“Anggo mangihutkon Tona i nada tola hita manguhum-uhumi halak, anggo so jolo nibege dope parkarona, jana anggo so jolo dipareso sanga aha na nibaenNia.”

SURAT NI SI PAULUS TU PARLAGUTAN ROM 3:8

Jana biasi inda tola hita mandok, “Tole ma tabaen na jat, anso ro na denggan sian i?” Tutu nian, adong do halak na pabilehon hami, paboa na dung hudok songon i. Anggo halak na songon i satutuna patut do uhumon ni Debata.

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

PANGARATAION 5:20

Ulang manyaksihon gabus maradopkon donganmu jolma.

2 TIMOTEUS 3:3

Nada adong be holong marsihaholongan di halahi, nada ra marsisesaan sala, sai ra pabusuk-busukkon goar ni halak, nada bisa mangorom diri, kejam jana nada giot di na denggan.

1 PETRUS 3:16

Tapi mardongan lambok ni roha dohot hapantunon ma baen hamu i sudena. Jana angkon ias do taroktokmunu, anso maila sandiri sanga ise na manilakoi hamu hara ni na denggan pardalananmunu songon siihutkon Kristus.

HALUMBAAN 12:10

Dung i hubege ma sada sora na gogo sian banua ginjang na mandok, “Saonnari madung ro hatiha haluaan dohot kuaso dohot pamarentaon ni Debatanta, dohot hakuasoonNia na nimiahanNia. Harana madung di danggurkon tu toru angka na mangaduhon angka donganta i, na mangaduhon halahi arian dohot borngin di adopan ni Debatanta.