HARURUAR 22:30 - BIBEL JAMITA NA DENGGAN

³⁰ Lehen ma di Au na parjolo sorang sian pahan-pahananmunu dohot sian biri-birimunu. Padiar hamu ma laing rap dohot inangna pahan-pahanan jantan na parjolo sorang rap dohot indukna i, pitu ari lolotna, jadi pasahat hamu ma i tu Au gabe haul di ari pasalapankon.

HARURUAR 22:30 ပူးပေါင်းရင်းမြစ်များ

HARURUAR 13:12

angkon pasahatonmunu do sude anak siangkaan tu Tuhan. Sandok pahan-pahanan jantan na parjolo sorang, Tuhan do nampunasa.

JEHESKIEL 4:14

Tapi hualusi ma, “Iale Tuhan Debata! Sian na menek lopus saonnari, na so unjung dope hupahodar diringku marhite na mangankon bangke ni binatang sanga teba-teba ni soroan ni binatang panyoro. Na so jungada do hupangan sipanganon na margoar na haram.”

HAMALIMON 11:44

Au do Tuhan Debatamu, hara ni i jago ma anso tongtong badia hamu, angke na badia do Au.

HAMALIMON 11:45

Au do Tuhan na maroban hamu ruar sian Mesir, anso gabe Au Debatamunu. Angkon badia do hamu angke na badia do Au.

HAMALIMON 12:3

Di ari pasalapankon angkon sunaton ma dakdanak i.

HAMALIMON 17:15

Ganop halak Israel sanga halak na leban na mangankon juhut ni pahan-pahanan na mate haram, sanga na nisoro ni binatang panyoro, angkon dibasu ia pakeannia lalu maridi jana painte andospotang pe anso ias ia mangihutkon ugamo.

HAMALIMON 22:8

Nada tola panganonnia juhut ni binatang na mate haram sanga na nisoro ni binatang panyoro. Muda dipangan ia i gabe ramun do ia. Au do Tuhan.

HAMALIMON 7:23

di halak Israel songon on. Tabo-tabo ni lombu, biri-biri sanga hambeng, nada tola panganon.

HAMALIMON 7:24

Tabo-tabo sian bangke ni binatang, sanga na nisoro ni binatang panyoro, nada tola panganon, tapi tarpake do i tu angka haporluan na asing.

HAMALIMON 7:26

Barang di dia pe halak Israel maringanan, nada tola panganon ni halahi mudar ni unggas sanga mudar ni binatang na asing pe.

PANGARATAION 14:21

Bangke ni binatang nada tola panganonmunu. Tapi anggo halak na asing na maringanan di tonga-tongamunu tola do i panganonna jana tola muse do i gadisonmunu tu halak na asing. Bangso ni Tuhan do hamu antong, na marhapunjungan di Debata. Nada tola lompaon anak ni biri-biri dohot hambeng di bagasan susu ni indukna.”

PANGARATAION 15:19

Lombu jantan, hambeng jantan, dohot biri-biri jantan na parjolo sorang, haulkon hamu ma i tu Tuhan. Nada tola pakeon lombu i manarik bajak, jana biri-biri i nada tola cukuron.