HARURUAR 22:27 - BIBEL JAMITA NA DENGGAN

²⁷ harana hum pakean na sada i noma sialitkononnia anso las pamatangnia. Aha dope he pakeonnia mangulosi pamatangnia modom? Muda pio-pio ia tu Au mangido tolong, alusanKu ma ia hara ni ibo ni rohangKu.

HARURUAR 22:27 ပူးပေါင်းရင်းမြစ်များ

2 SAMUEL 16:5

Di na lalu si Daud di Bahurim, ruar ma sada bayo sian huta i, jana di na mur donok ia, diburai ia ma si Daud. Si Simei goarna anak ni si Gera na sian kahanggi ni si Saul.

1 RAJA-RAJA 2:8

“Taringot tu si Simei anak ni si Gera na sian kota Behurim di Luat Benyamin, adong do tonangku tu ho. Di pardalananku tu Mahanaim, diburai si Simei do au dohot angka hata na jat. Tapi di na marsuo au dohot ia di Batang aek Jordan, husumpahon do tusia hara ni Tuhan na so pola bunuonku ia.

1 RAJA-RAJA 2:9

Tapi on ma tonangku tu ho. Ulang padiar so hona uhum ia, Huboto na bisuk do ho, usahahon ma anso mate hona uhum ia.”

2 JUJUR TAON 30:9

Muda dirohahon hamu Tuhan, gabe maribo ni roha ma angka halak na maroban koum sisolkotmunu tu habuangan i jana suruonna ma halahi mulak mangulahi. Debata na burju jana paribo roha do Tuhan Debatamunu i; ParrohahononNia do hamu muda diparrohahon hamu Ia.”

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

MASMUR 72:12

Halak na hona sosak na so margeldok, diurupi ia, dohot na pogos na pio-pio tusia.

MASMUR 86:15

Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

HARURUAR 22:23

Muda dibaen hamu songon i, Au do Tuhan, Au sandiri ma mangalusi halahi muda pio-pio mangido tolong tu Au.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

PARJAMITA 10:20

Ulang nialo raja, haru pe di bagasan roha. Ulang niburaan halak na mora, haru pe iba di bagasniba. Betak na adong do sada unggas umbege na nipardokkonan, gabe dipalalusa i tu na indohan.

JESAYA 19:20

Langgatan dohot tiang i ma songon tanda ni na ro Tuhan Na Markuaso i di Mesir. Muda hona sosak bangso i, gabe pio-pio halahi mangido tolong tu Tuhan, suruhononNia ma sada halak na paluahon halahi.

PANGARATAION 24:10

Muda painjamkon sanga na aha hamu tu halak, ulang pola masuk hamu tu bagasna i laho mambuat pakean na giot lehenonnia tu hamu gabe songon jaminanna.