HARURUAR 22:22 - BIBEL JAMITA NA DENGGAN

²² Ulang nibaen roha-roha tu na mabalu sanga tu na tinggal menek.

HARURUAR 22:22 ပူးပေါင်းရင်းမြစ်များ

JOB 31:16

Inda jungada na so ra au manolong halak na bile, sanga padiarkon angka na mabalu mangolu di na mandele.

JOB 34:28

Patunda ni halahi gabe holsoan angka na pogos, ditangihon Debata andung-andungna.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 34:7

Surusuruan Ni Tuhan manogu halak na burju marugamo, jana na paluahon halahi sian bahaya.

PODA 22:23

Belaon ni Tuhan do parkaro ni halahi jana diparkanciti Ia halak na mamparkanciti halahi.

PODA 23:10

Sanga na bia pe, ulang nipaimbar parbalohan ni tano sanga nibuat tano ni na so marama so marina.

PODA 23:11

Harana, Tuhan do pambela na gogo; Debata do na mambela halahi laho mangalo ho.

JESAYA 1:17

marsiajar ma hamu mambaen na denggan. Gogohon hamu ma anso tulus mardalan hatigoran – urupi ma halak na hona hapit; pasahat ma tu na so marama so marina na patut bagianna jana ondihon hamu ma angka na mabalu.”

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 10:2

Songon i ma dalanna dibaen hamu laho paimbar hak dohot hatigoran jana mangarampas sinadongan ni angka na mabalu dohot na so marama so marina.

JEREMIA 7:6

Ulang sai sosak hamu halak na leban, dakdanak na so marama so marina, dohot angka na mabalu. Ulang bunu hamu halak na so marsala di luat on. Ulang marsomba hamu tu angka debata na asing angke mangalapi hamagoanmunu do i.

JEREMIA 7:7

Muda songon i, ra ma Au maringanan rap dohot hamu di inganan on, di tano na Hulehen tu ompungmunu sian na jolo lopus tu salolot-lolotna, luat na dung Hulehen gabe tano pusako di ompungmunu.

JEHESKIEL 22:7

Sahalak pe so adong halak na mangingani ho na pasangapkon simatobangna. Dikicu ho do halak jana dihaut ho untung sian hasusaan ni na mabalu dohot na so marama so marina.

ZAKARIA 7:10

Ulang pisat hamu angka na mabalu, angka dakdanak na so marama so marina, angka halak na asing na maringanan di tonga-tongamunu, sanga na tu ise pe tehe na di bagasan hasusaan. Jana ulang baen hamu muse sangkap na jahat tu hamu sama hamu.’

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

MATEUS 23:14

Marjaya ma hamu angka Siboto Surat dohot hamu halak Parise: Pangalancap do hamu! Dijalahi hamu do akal laho paoto-otohon dohot mambuat bagas ni angka ina na mabalu. Tar dibaen-baen hamu ma martangiang ginjang-ginjang laho manutup-nutupi i. I ma umbaen na angkon umborat uhuman tu hamu!]

PANGARATAION 10:18

Dibela Ia do hak ni na tinggal menek dohot na mabalu, anso dibaen tu halahi uhum na tigor; dihaholongi Ia do halak na asing na tinggal rap dohot hita jana dilehen Ia pakean dohot sipanganon di halahi.

PANGARATAION 15:9

Ulang jua hamu laho mangalehen injamon tusia, marhite alasan na dung donok taon hasesaan ni utang. Ulang paloas hamu pikiran na jahat sisongon i masuk tu bagasan rohamunu. Muda nada ra hamu mangalehen siinjamon i, pio-pio ma halakna i tu Tuhan laho mangaduhon hamu, jadi gabe dosa ma i di hamu.

PANGARATAION 24:17

Ulang rampas hamu hak ni halak sileban dohot dakdanak na so marama, jana ulang buat hamu gabe jaminan pakean ni sada halak na mabalu hara ni na manginjam bagi aha ia.

PANGARATAION 24:18

Ingot hamu ma na jungada do hamu gabe hatoban di Mesir jana na dung dipalua Tuhan Debatamunu do hamu; hara ni i ma da umbaen na hulehen aturan on tu hamu.

PANGARATAION 27:19

‘Bura ni Debata ma di halak na mangarampas hak ni halak sileban, dakdanak na so marama so marina dohot na mabalu.’ Dung i sude ma bangso i mandok: ‘I ma tutu!’

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.