HARURUAR 22:2 - BIBEL JAMITA NA DENGGAN

^2-4 Angkon gontionnia do barang na nitangkona i. Muda nada adong artania, angkon nigadis ia songon hatoban, baen gonti ni na nitangkonia i. Muda lombu, sanga halode sanga biri-biri umpamana na nitangkonia i, tardapot di halak na manangko i laing mangolu, angkon gontionnia do i dua noli lompit. Muda adong tardapot sada panangko di sada bagas borngin-borngin, gabe dibunu, nada marsala halak na mambuat hosana i hara ni na mamunu ia. Tapi anggo arian do i tarjadi, parsala do halak na mamunu panangko i.

HARURUAR 22:2 ပူးပေါင်းရင်းမြစ်များ

JOB 24:14

Andos torang dope ngot ma sibunu jolma sian podomanna, lalu kehe ma ia mamunu halak na so mardiha-diha, jana dompak so torang dope ari, monjap-onjap ma ia sai songon panangko.

JOB 24:16

Mambuhar bagas ma panangko di borngin ni ari; mandao ma ia sian na torang di arian lalu kehe martabuni.

JOB 30:5

Hona usir ma halahi sian dongan na dua tolu songon panangko na hona buru.

JEREMIA 2:34

Hodar do pakeanmunu hara ni mudar ni halak na pogos dohot na so marsala, nada hara ni mudar ni panangko. Tapi haru songon i pe,

HOSEA 7:1

“Muda Hupamalum Israel, gabe tarida ma hasalaan ni Efraim dohot angka hajahatan ni Samaria; angke dikarejohon halahi do margabus, manombom panangko laho masuk jana panyamun mangarampas di luar.

JOEL 2:9

Manyaroso do halahi tu bagasan kota, jana marlojong di ginjang ni tembokna. Mandangkiti do halahi tu angka bagas, masuk sian jandela halahi songon panangko.

BILANGAN 35:27

hape marsuo dohot sisolkot ni na mate tarbununia i, gabe dibunu ma ia, nada na mamunu ia i.

MATEUS 24:43

Ingot hamu ma na Hudok on! Sugari diboto nampuna bagas, sanga tar andigan giot ro panangko, nada ra ia modom. Dung i nada padiaronnia masuk panangko i tu bagasan.

1 TESSALONIKA 5:2

Angke hamu sandiri pe tangkas do i diboto hamu, songon haroro ni panangko borngin do anggo haroro ni Ari Ni Tuhan i.

1 PETRUS 4:15

Ulang ma adong sahalak pe sian hamu na manaon parkancitan hara ni na mamunu, sanga manangko sanga mambaen na jat, sanga hara ni na manggunturi.