HARURUAR 22:18 - BIBEL JAMITA NA DENGGAN

¹⁸ Ganop dadaboru na mambaen aji angkon bunuon.

HARURUAR 22:18 ပူးပေါင်းရင်းမြစ်များ

JESAYA 19:3

SundatanKu ma angka sangkap ni Mesir jana manderse halahi baenonKu. Pangidoon ni halahi ma pangurupion tu angka gana-ganaan, mangido piruang dohot panogu-noguon tu angka datu dohot angka tondi.

JEREMIA 27:10

Na paoto-otohon hamu do i lopus dioban hamu dao sian tanomunu. UsironKu ma hamu sian tanomunu jana mago ma hamu.

JEREMIA 27:9

Ulang patangi-tangi hamu angka panurirang, sanga na ise pe tehe na mangorai hamu tunduk tu raja ni Babel, haru pe dioku halahi na dung manjagit panuturion halahi sian nipi, angka tondi na so niida, sanga marhite gogo ni hadatuon.

HAMALIMON 18:23

Sude hamu, halaklahi sanga dadaboru nada tola marcampur tu angka pahan-pahanan, pangalaho na jahat songon i mambaen ho ramun.

HAMALIMON 19:26

Ulang pangan juhut anggo laing marmudar dope. Ulang mamake elmu na songon dia pe.

HAMALIMON 19:31

Ulang ho kehe mangido sipaingot sian halak na mambaen pardomuan tu angka tondi ni na mate. Muda dibaen hamu songon i, gabe ramun ma hamu. Au do Tuhan Debatamu.

HAMALIMON 20:27

Ganop halaklahi sanga dadaboru na mambaen pardomuan dohot tondi ni angka na mate, angkon dangguran dohot batu lopus mate. Hamamate ni halak na mambaen songon i, hara ni hasalaan ni halahi sandiri do i.”

HAMALIMON 20:6

Muda kehe sahalak mangido partolongan tu halak na mambaen pardomuan dohot angka tondi ni na mate angkon aloonKu do i jana nada etongonKu be ia halakKu.

BAENON NI ANGKA RASUL 19:19

Jana angka halak na dung somal padalan hadatuonna, dipalagut halahi ma angka buku ni halahi, ditutung halahi ma i di jolo ni halak na bahat. Sugari dipalagut arga ni buku i sude, mararga ma i hira-hira lima pulu ribu hepeng perak.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

PANGARATAION 27:21

‘Bura ni Debata ma di halak na marcampur dohot binatang.’ Dung i sude ma bangso i mandok: ‘I ma tutu!’

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

1 SAMUEL 28:3

Madung mate di hatiha i si Samuel jana diandungi sude Israel lalu ditanom di Rama, hutania sandiri. Laing di hatiha i muse, madung dipaorot si Saul sian Israel sude pangaramal dohot datu pamio ni sumangot.

1 SAMUEL 28:9

Dialusi anak boru i ma, “Tontu diboto ho do na dung dipaorot ni Raja Saul sian Israel angka partondung dohot datu sipio sumangot. Biasi dope dicubo ho laho padapotkon au anso hona bunu au?”