HARURUAR 21:26 - BIBEL JAMITA NA DENGGAN

²⁶ Sanga ise na mamukul mata ni hatobanna, halaklahi sanga dadaboru, jabat gabe mapitung mata ni hatobanna i, angkon paluaonna noma hatobanna i songon dangdang ni matana i.

HARURUAR 21:26 ပူးပေါင်းရင်းမြစ်များ

KOLOSSE 4:1

Hamu angka tuan! Baen hamu ma na sintong dohot na tigor tu angka hatobanmu. Ingot hamu ma, hamu pe adong dope tuanmunu di banua ginjang.

EPESUS 6:9

Hamu dongan na gabe tuan! Angkon laing songon i do hamu maradopkon angka hatobanmunu. Antak hamu ma na mamake ondam-ondam. Angkon ingotonmunu do, rap satuan do hamu dohot angka hatobanmunu i, i ma tu Tuhan na di banua ginjang i. Nada mardia imbar halak diSia.

MASMUR 10:18

Ho do na manangihon jana mangurupi na so marama jana na diparkanciti, ulang adong be jolma di portibi na puluk manjahati tu halahi.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 9:12

Diingot Ia do halak na tangis jana diparkanciti, jana diuhum Ia halak na mandondoni halahi.

NEHEMIA 5:5

Nada he laing halak Jahudi hami? Nada he dos dakdanaknami dohot angka dakdanak Jahudi na asing i? Haru songon i pe tarpaksa hami padiar angka dakdanaknami i gabe hatoban. Adong dope tehe sian angka borunami na gabe hatoban sigadison. Nada adong be gogonami harana ladang dohot kobun anggurnami madung hami gadehon.”

PANGARATAION 16:19

Di na mambuat haputusan, nada tola halahi mambaen roha-rohana sanga na teleng sabola. Nada tola muse halahi manjagit sisip angke mambaen mapitung do angka silua, bope di halak na bisuk dohot na tigor, lopus gabe dibaen halahi haputusan na sala.

HARURUAR 21:20

Sanga ise na mamukul hatobanna halaklahi sanga dadaboru jabat manigor mate satongkin i, angkon niuhuman do halakna i.

HARURUAR 21:25

tihas gonti ni tihas, bugang gonti ni na mabugang, marbosar gonti ni na marbosar.

HARURUAR 21:27

Muda adong sanga ise na mangaropang ipon ni hatobanna, angkon malua noma hatobanna i songon dangdang ni iponna i.”

HARURUAR 21:24

mata gonti ni mata, ipon gonti ni ipon, tangan gonti ni tangan, pat gonti ni pat,