HARURUAR 21:2 - BIBEL JAMITA NA DENGGAN

² Muda adong sian hamu na manobusi hatoban halak Ibrani, parhatoban hamu ma i onom taon honokna. Di taon papituhon angkon paluaonmunu ma ia so pola margarar sanga na aha.

HARURUAR 21:2 ပူးပေါင်းရင်းမြစ်များ

PAMUNGKAAN 27:28

Sai dilehen Debata ma di ho ombun sian langit, jana napuma angka ladangmu baenonNa! Sai dilehen ma di ho gandum dohot anggur marlobi-lobi!

PAMUNGKAAN 27:36

Didok si Esau ma, “Padua noli on ma dipaoto-oto ia au. Patut do antong si Jakob goarnia. Ma dibuat ia hakku siangkaan jana saonnari dibuat ia muse dope pasupasu na aturan di au. Na so adong be he pasupasu na asing di amang silehenonmu di au?”

2 RAJA-RAJA 4:1

Sanoli ro ma sahalak na manghabaluhon sada panurirang tu si Elisa, didok ma, “Amang, madung jumolo halaklahingku! Tangkas do diboto amang haburjuonnia mangoloi Debata, tapi marutang do ia tu halak. Saonnari giot buaton ni bayo i ma anakku na dua i giot baenonnia gabe hatobannia.”

NEHEMIA 5:8

jana hudok ma, “Sagogonami do hami baen manobus angka kahangginami halak Jahudi na tarpaksa manggadis dirina tu bangso na asing. Hape saonnari hamu muse noma mamaksa halahi manggadis dirina tu hamu, haru pe nian laing halak Jahudi do halahi!” Nada taralusi angka pamimpin i sangkababa hata pe.

HARURUAR 12:44

Tapi anggo angka hatoban na nitobusanmunu tola do dohot mangankon muda dung disunat halakna i.

HARURUAR 21:3

Sugari rupani laing na poso ia di na mamungka gabe hatoban, nada tola obanonnia daborunia i di na malua i ia. Tapi muda na dung marripe hian do ia di na mamungka gabe hatoban, tola ma boanonnia daborunia i.

HARURUAR 21:7

Muda adong sanga na ise na manggadis boruna gabe hatoban, nada paluaon i haru pe na dung onom taon, songon na masa tu hatoban halaklahi.

HAMALIMON 25:54

Muda nada tarpalua dope ia dohot angka dakdanaknia marhite dalan na songon i, di Taon Haluaan na giot ro angkon paluaon do ia dohot angka dakdanaknia.

MATEUS 18:25

nada targararsa be utangna i. Jadi didok raja i ma anso nigadis bayo i rap dohot sude halahi na sabagas dohot sude sinadongannia laho manggarar utangnia i.

1 KORINTUS 6:20

Madung ditobus Debata hamu jana lunas digarari Ia. Hara ni i, denggan ma pake hamu pamatangmunu i anso marsangap Debata.

PANGARATAION 15:1

“Ganop di ujung ni taon papituhon, angkon sesaonmunu do angka utang.

PANGARATAION 15:18

Muda dipalua hamu sada hatoban, ulang baen hamu i sian dokdok ni rohamunu, angke madung dioloi ia hamu onom taon marhite satonga arga ni pangoloi na somal. Patulus hamu ma parenta on, jadi gabe pasupasuon ni Tuhan ma sude karejomunu.

PANGARATAION 31:10

Diparentahon ia ma tu halahi, “Ganop di ujung ni taon papituhon, di Pesta Undung-undung Bulung Rata, di taon panyesaan ni angka utang, angkon sisehononmunu do buku on marsora na gogo.