HARURUAR 20:8 - BIBEL JAMITA NA DENGGAN

⁸ Ingot ma Ari Sabat, anso diparbadiai ho ari i.

HARURUAR 20:8 ပူးပေါင်းရင်းမြစ်များ

PAMUNGKAAN 2:2

Di ari papituhon, dipasidung Debata ma karejoNia, lalu maradian ma Ia.

PAMUNGKAAN 2:3

Dipasupasu jana diparbadiai Ia ma ari papituhon i, dibaen di ari i ma dipasidung Ia karejoNia na manompa i, gabe maradian ma Ia karejo.

NEHEMIA 13:15

Huida ma di hatiha i sanga na piga-piga halak di Juda na mamoro anggur di Ari Sabat. Adong muse deba nari na marmuat gandum, anggur, batu ni anggur, batu ni ara dohot barang-barang na asing di ginjang ni halode jana dioban tu Jerusalem. Hularang antong halahi marjagal di Jerusalem.

NEHEMIA 9:14

Angkon pestahonon ni halahi do Ari Sabat na badia, jana marhite si Musa dilehen Ho uhumMi.

HARURUAR 23:12

Angkon markarejo hamu onom ari di bagasan saminggu, tapi ulang hamu karejo anggo di ari papituhon, anso tarbaen angka hatobanmunu dohot halak na asing na markarejo di hamu bope angka pahan-pahananmunu maradian.

HARURUAR 31:12

Diparentahon Tuhan ma si Musa,

HARURUAR 35:1

Dung i disuru si Musa ma marlagut sandok bangso Israel jana mandok hata ma ia tu halahi songon on, “On ma parenta ni Tuhan tu hamu:

JESAYA 56:2

Martua ma halak na mandalankon i, dohot Anak Ni Jolma na marojahan tusi: Na marningot Ari Sabat jana nada dilaosi ari i, dohot na mangorom dirina tu hajahatan.”

JESAYA 58:13

“Muda nada didege-dege hamu aturan ni Sabat jana nada dikarejohon hamu siurusonmunu di aringKu na badia i, muda didok hamu Ari Sabat i ari na marhasonangan, jana ari na badia ni Tuhan i ari na marmulia; muda dipasangap hamu ari i marhite na so mangkarejohon karejomunu dohot na so mambaen urusanmu sanga na marhata na rumar,

JEREMIA 17:21

Songon on do ditonahon Tuhan: ‘Muda nada giot hamu mate, ulang ma maroban barang hamu di Ari Sabat, sanga marobansa mamolus sian angka pintu horbangan ni Jerusalem.

JEREMIA 17:22

Nada tola muse hamu markarejo sanga maroban barang sanga aha pe haruar sian bagasmu anggo di Ari Sabat. Angkon parbadiaanmunu do ari i songon sada ari hapunjungan hombar tu na Huparentahon tu ompumunu.

JEREMIA 17:24

Oloi hamu ma sude na Huparentahon. Ulang oban hamu sanga na barang aha pe mamolus sian pintu ni horbangan ni kota on anggo di Ari Sabat. Parbadiai ma Ari Sabat i songon ari na marhasurungan. Anggo di na sadari i na so tola karejohononmunu sanga na aha pe.

JEHESKIEL 20:20

Parbadia i ma Ari Sabat i na gabe tanda ni parjanjianKu dohot hamu, laho pasunggulkon tu rohamu paboa Au do Tuhan Debatamunu.’

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 19:30

Ingot ma Ari Sabat jana pasangap ma sanga di dia inganan manyomba Au. Au do Tuhan.

HAMALIMON 23:3

Sanga di dia sajo pe hamu maringanan angkon sumurung Ari Sabat i baenonmunu di Au. Onom ari honokna hamu markarejo tapi ingot ma, ari papituhon, Ari Sabat ari paradianan do i. Nada tola markarejo di ari i, hum marpungu do laho pasangap Au.

HAMALIMON 26:2

Pestahon ma Ari SabatKu jana pasangap ma inganan na badia sanga di dia disomba hamu Au. Au do Tuhan.

BILANGAN 15:32

Di sada hatiha, dompak di parhorsihan i dope halak Israel, tardapot ma sada bayo na topet papungu soban, di Ari Sabat.

PANGARATAION 5:12

Pagodang ma Ari Sabat, anso diparbadiai ho ari i, angke Au do Tuhan Debatamu na mamarentahon i tu ho.