HARURUAR 20:6 - BIBEL JAMITA NA DENGGAN

⁶ Tapi patidahononKu do holong ni rohangKu maradopkon marribu-ribu halak; i ma na mangkaholongi Au jana na mangoloi parentangKu.

HARURUAR 20:6 ပူးပေါင်းရင်းမြစ်များ

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

DANIEL 9:4

Huoku do disi sude dosa ni bangsongku tu Tuhan Debatangku. Ningku do, “O Tuhan Debata, na godang do Ho jana hami parsangapi do Ho. Sai dipatulus Ho do baga-bagaMu jana dipatuduhon Ho do holong ni rohaMu na manongtong i tu angka na marholong ni roha tu Ho jana na patuluskon sanga aha na niparentahonMu.

BILANGAN 14:18

‘Au do Tuhan, nada momo Au muruk. PatidahononKu do holong ni rohangKu dohot habonaranKu martamba-tamba. SesaonKu do dosa ni halak na mangalo Au. Haru pe songon i balosonKu do hasalaan ni simatobangna tu anak dohot pahompuna, lopus tu sundut patoluhon dohot paopatkon.’

JOHANNES 14:15

“Muda holong rohamunu tu Au, dalankononmunu do angka na Huparentahon.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

BAENON NI ANGKA RASUL 2:39

Angke tu hamu do ale angka dongan, dohot tu pomparanmunu, songon i muse tu angka halak na maringanan di na dao do na nijanjihon ni Debata i – i ma sudena halak na nipiohon ni Debata Tuhanta i anso ro tuSia.”

PANGARATAION 4:37

Hara ni na holong rohaNia di ompumunu, madung ditodo Ia hamu; mardongan godang ni kuasoNia, madung dioban Ia hamu ruar sian Mesir.

PANGARATAION 5:29

Sugari nian sai songon i ma pangkilalaan ni halahi! Sugari sai tongtong halahi nian mabiar tu Au jana dioloi sude na Huparentahon, gabe sonang do halahi dohot pomparan ni halahi salolot-lolotna.

PANGARATAION 7:9

Ingot hamu ma! Sasada Tuhan Debatamunu i do Debata, jana Debata na setia do Ia. Tu angka na manghaholongi Ia jana na mangoloi angka parentaNia, patulusonNia ma janjiNa jana patuduhononNia ma holong ni rohaNia na manongtong i lopus tu sundut pasaribuhon.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,

2 JOHANNES 1:6

Marholong ni roha, astuanna mangoloi tona ni Debata. Jana tona na dung dibege hamu sian mulana i, i ma anso marsihaholongan hamu sama hamu.