HARURUAR 20:5 - BIBEL JAMITA NA DENGGAN

⁵ Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

HARURUAR 20:5 ပူးပေါင်းရင်းမြစ်များ

2 SAMUEL 21:1

Dompak si Daud mamarenta, masa ma haleon potir tolu taon honokna. Dung i adong ma dijagit si Daud panogu-noguon ni Tuhan taringot tusi, jana didok Tuhan ma, “Anggo haleon i, i ma hara ni hasalaan ni si Saul dohot donganna sabagas, mate diuhumi halahi antong angka halak Gibeon.” (

2 SAMUEL 21:6

Antong pasahat ma tu hami pitu halaklahi sian pomparannia anso hami gantung di adopan ni Tuhan di Gibea, kota ni Raja Saul i sandiri.” “Antong denggan,” ning raja i, “hupasahat pe halahi.”

1 RAJA-RAJA 19:10

Dialusi si Elia ma, “Tuhan Debata Na Markuaso! Sai na matua markarejo tu Ho sandiri sajo do au. Hape dilaosi halak Israel do parjanjian ni halahi dohot Ho. Dirorak halahi do angka langgatanMu jana dibunu angka panurirangMu. Hum sasada au sajo noma na tinggal, jana saonnari giot bunuon ni halahi muse ma au!”

1 RAJA-RAJA 21:29

“Diida ho dehe sanga songon dia dipaserep si Ahab rohania di jolongKu? Nada be paroonKu bala i hara ni i salolot mangolu ia. Dung di anaknia pe anso ro baenonKu hasusaan i.”

2 RAJA-RAJA 17:35

Madung dibaen Tuhan parjanjian dohot halak Israel songon on, “Ulang marsomba tu debata sileban; ulang unduk hamu tu halahi jana ulang oloi hamu halahi, sanga pe mamelehon haul tu halahi.

2 RAJA-RAJA 17:41

Jadi, disomba halahi do Tuhan, tapi laing disomba halahi muse do angka gana-ganaan ni halahi. Lalu tu sadari on pe laing songon i do dibaen pomparan ni halahi.

2 RAJA-RAJA 23:26

Hape anggo pangalaho ni Raja Manase na hum parohon muruk ni Tuhan do maradopkon Juda; jana lopus saonnari laing na so mombun dope roha ni Tuhan.

2 RAJA-RAJA 5:18

Muda pe sanoli on angkon dongananniba rajanami muda kehe ia tu bagas pamelean ni Rimmon debata ni halak Siria, laho marsomba, sai ibo ma roha ni Tuhan laho mangampuni au.”

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

2 JUJUR TAON 25:14

Dung ditaluhon halahi tentara ni Edom i, mulak ma si Amasia maroban angka patung ni gana-ganaan ni Edom jana dibaen ia ma i di Juda. Lalu manutung dupa ma ia tu patung i jana disomba ia ma i.

2 JUJUR TAON 7:19

Tapi anggo dilanggar ho dohot rayatmi angka uhum dohot angka parentangKu jana marsomba hamu tu angka debata,

JOB 21:19

Pandokmunu, ‘Hona uhum dakdanak hara ni dosa ni amana.’ Tapi anggo ningku: Halak na mardosa i do na niuhum ni Debata, anso mamoto halahi hara ni dosana, gabe ditongos Debata uhumanna.

JOB 5:4

Gabe so unjung dapotan pangondian dakdanakna; nada adong halak na ra mambela parkarona.

MASMUR 109:14

Sai diingot Tuhan ma hajahatan ni ompuna, jana ulang nian diampuni dosa ni inana i sapanjangna.

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

MASMUR 79:8

Ulang ma uhumi hami hara ni dosa ni ompunami. Ompoti ma manghasiani hami, dibaen madung gale hami.

MASMUR 81:15

TaluhononKu ma sanga ise na magigi mida Au, salolotna noma halahi hona uhumKu.

HARURUAR 23:24

Ulang mangalompit tot hamu mangoloi angka debata ni halahi jana ulang tiru-tiru hamu cara ni halahi maribadat. Ropuki hamu ma sude angka debata ni halahi i jana ponggoli hamu angka tiang langgatan ni halahi i.

HARURUAR 34:14

Ulang marsomba tu debata na asing, angke Au, Tuhan, Debata Pangiburu do Au, nada tarpadiar Au adong imbang di Au.

PODA 8:36

Sanga ise na so mandapot au, mangarugii dirina sandiri, halak na manghasogohon au, hamatean do dihaholongi.”

JESAYA 44:15

Deba sian hayu i gabe soban do dibaen ia baen parsisuduan dohot pamanggang ni roti sanga juhut, gabe dabu rohania. Marsisudu ma ia jana didok ia ma, “Olo da, tabo do antong jana las! Tabona i di lambung api on!” Deba nari hayu i dipake ia ma mambaen patung. Mangunduk ma ia marsomba tusi jana martangiang, “Ho do debatangku, palua ma au!”

JESAYA 44:19

Nada jabat lalu dipikiri sibaen patung i, “Na marsomba tu sangkimpal hayu do au. Deba sian hayu i hututung jana arangna i hupake baen manutung roti dohot mamanggang juhut sipanganonku. Na deba nari i ma hubaen patung. Jadi saonnari na marsomba tu samponggol hayu do au!”

JEREMIA 2:9

Didok Tuhan, “Saonnari parkarohononKu ma bangsongKu mangulahi, jana pomparanna Huadili.

JEREMIA 32:18

Dipatuduhon Ho do holong ni rohaMu na manongtong tu halak na marribu-ribu, tapi diuhum Ho muse do halak hara ni dosa ni simatobangna. Debata na godang do Ho jana na gogo; Tuhan Na Markuaso i do goarMu.

JEHESKIEL 18:19

Tapi ra adong do halak na marsapa biasi nada dohot anakna i mananggung panginona ni angka dosa ni amangna i. Anggo alus ni i, songon on do: Angke burju jana tigor do antong anaknia i. Burju do dioloi angka tona na sian Au jana torus do i didalankon ia, jadi gabe tongtong ma ia mangolu.

JEHESKIEL 18:2

“Biasi laing torus dipardokkon-dokkon halak pandohan na songon on di Israel? ‘Amangna do mangankon batu na ancom, hape angka dakdanakna do ngiluan.’

JEHESKIEL 20:7

Husuru halahi mangambungkon sude patung sihagigian na ni hagiotan ni halahi i, jana Huorai halahi pahodarkon dirina marhite na marsomba tu angka gana-ganaan na sian Mesir, angke Au do Tuhan Debata ni halahi.

JEHESKIEL 39:25

Didok Tuhan Debata i ma, “Tapi anggo saonnari haholonganKu noma halak Israel pomparan ni si Jakob i, jana baenonKu halahi sonang mangulahi. Jadi songon i ma Hubaen manjago anso laing tongtong dipasangap goarKu.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

DANIEL 1:2

Dipaloas Tuhan do ia manaluhon Raja Joyakim dohot mangarampas deba sian angka barang sigodang arga na di Bagas Ni Tuhan. Angka halak na nitabannia, dioban ia ma i tu bagas parsombaan ni debatana di Babel jana angka barang-barang na nirampasnia i disimpan ia ma i di bagasan bagas parsombaan i.

DANIEL 3:18

Tapi sugari nada dibaen Ia songon i, diastui raja i ma anggo hami nada sombaonnami debata ni raja i jana patung sere na nipajongjong ni raja i pe nada sombaonnami.”

HAMALIMON 20:5

Au sandiri ma mangalo halakna i dohot sude na sakeluarga i bope sude halak na rap dohot ia maninggalkon Au gabe kehe manyomba Debata Molok. Nada Huetong be halak na songon i gabe sada sian halakKu hian.

HAMALIMON 26:1

Didok Tuhan ma, “Nada tola baenonmunu gana-ganaan sanga pajongjong patung sanga pe tiang batu na niuhir gabe sombaon, Au do Tuhan Debatamu.

HAMALIMON 26:29

Gabe tangkuraparon ma hamu, pola panganonmunu anakmunu sandiri.

NAHUM 1:2

Nada ra Tuhan Debata marimbang, sanga ise na mangalo Ia, ingkon dapot uhuman. Di parpiar ni murukNa, tu halahi, dibaloskon Ia pambaenanna be.

BILANGAN 14:18

‘Au do Tuhan, nada momo Au muruk. PatidahononKu do holong ni rohangKu dohot habonaranKu martamba-tamba. SesaonKu do dosa ni halak na mangalo Au. Haru pe songon i balosonKu do hasalaan ni simatobangna tu anak dohot pahompuna, lopus tu sundut patoluhon dohot paopatkon.’

BILANGAN 14:33

Manjalahi panganon di halongonan ma anakmunu opat pulu taon honokna. Hara ni na so mangoloi hamu, gabe anakmunu manaon, lopus mate sude jolma na parpudi sian hamu.

BILANGAN 25:11

“Nada tahan si Pinehas mida halak Israel manyomba debata na asing, dibalik ni Au. Hara ni i nada muruk be Au tu halak Israel, antahonKu ma mamusa halahi.

MATEUS 4:9

Dung i ninna Sibolis i ma mandok Jesus, “Sudena i hulehen pe di Ho, muda ra Ho unduk marsomba tu au.”

JOHANNES 15:18

“Muda dihosomi portibi on hamu, ingot hamu ma, na dung parjolo do Au dihosomi portibi on.

JOHANNES 7:7

Nada na ra portibi on mangkagigihon hamu. Tapi anggo Au tutu ma hagigian ni portibi on, hara ni na sai Hudok tu portibi on bahaso na jahat pambaenanna.

JOHANNES 9:2

Disapai angka siseanNia i ma tu Jesus, “Ale Guru, ise do na mardosa, bayo on do sanga simatobangna, dibaen na mapitung ia sorang?”

SURAT NI SI PAULUS TU PARLAGUTAN ROM 1:30

manilakoi halak na asing; angka na mangapasi Debata, mangasahon hagogoanna sajo, jungkat ni roha, mamuji dirina, angka na mangajarkon hajahatan, na so mangoloi natorasna;

SURAT NI SI PAULUS TU PARLAGUTAN ROM 8:7

Marsialoan do bako ni jolma tu Debata; angke na so ra do i mangoloi Tona Ni Debata, boti nada tolapsa muse.

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?

PANGARATAION 32:21

Patung na nipele ni halahi do mambaen muruk Au, tu na nigoaran ni halahi debata mangiburu Au, debata na so tutu Debata. BaenonKu ma sada bangso anso mangiburu halahi muruk tu bangso ni angka jolma na bodo i satutuna nian bangso na so adong do i.

PANGARATAION 32:41

dung salpu kuaso ni podangKu na tajom na marhillong padalanonKu ma hatigoran. Hupalalu ma hosom tu sudena na magigi tu Au Hudabu uhumanna.

PANGARATAION 4:24

dibaen songon api do Tuhan Debatamunu i na mamosokkon; nada ra Ia padiarkon adong imbangNia.

PANGARATAION 5:10

Tapi patuduhononku do holong ni rohangKu tu marribu-ribu halak, i ma na manghaholongi Au jana na mangoloi di parentangKu.

PANGARATAION 5:9

Ulang unduk marsomba tu angka i sanga marsomba tu sudena i, angke Au, Tuhan Debatamu, i ma Debata na so ra padiarkon adong imbangKu, na mambaloskon hasalahan ni ama-ama tu dakdanakna, lopus tu sundut patoluhon dohot paopatkon sian halak na margoyak ni roha tu Au.

PANGARATAION 6:15

Muda disomba ho angka debata na asing, gabe dondonan ni rimas ni Tuhan ma hamu songon api, jana abis ma ho pusaonna, angke nada ra Tuhan Debatamu na maringanan di tonga-tongamunu i marimbang.

PANGARATAION 7:10

Tapi nada maralang-alang Ia manguhumi angka na magigi tuSia.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

JOSUA 23:16

Muda dilanggar hamu pudun-pudun ni parjanjian antara ni Tuhan dohot hamu, gabe kehe hamu mangoloi dohot marsomba tu angka debata na asing, gabe muruk ma Tuhan jana hona uhumanNa ma hamu. Jana nada jabat sadia honok nari dung i, nada adong be umpe sahalak na tinggal sian hamu di tano na denggan on, na nilehen ni Tuhan di hamu.”

JOSUA 23:7

Jana ulang jabat margaul hamu sanoli on dohot angka jolma na sian bangso-bangso na tinggal i dope di tonga-tongamunu. Jana ulang muse dokkon-dokkon hamu goar ni angka debata ni halahi, sanga marsumpa mangasahon goarna i. Ulang marhaul sanga manyomba hamu tu angka debata i.

JOSUA 24:19

Dung i didok si Josua ma, “Tapi Debata Na Badia do Tuhan; nada ra Ia adong imbangNia. Jadi betak nada sanggup hamu tu pudi on mangoloi Tuhan. Angke muda ditadingkon hamu sanoli on Tuhan, jana kehe hamu mangoloi tu angka debata na asing, nada ampunanNia dosamunu. Balikna do, aloonNia ma hamu jana uhumanNa. PangabisonNa ma hamu, haru pe najolo burju Ia tu hamu.”

HAKIM-HAKIM 2:19

Tapi muda dung mate pamimpin i, jumorbut dope pangalaho ni bangso i sian sundut na di jolona. Mangoloi dohot marsomba tu angka debata na asing ma halahi. Diulahi halahi ma tu hasomalanna na jat jana nada ra halahi mangantaksa.