HARURUAR 20:4 - BIBEL JAMITA NA DENGGAN

⁴ Ulang baen di ho patung na manyarupai sanga aha pe na adong di langit di ginjang sanga na adong di tano on bope na adong di aek na di toru ni tano.

HARURUAR 20:4 ပူးပေါင်းရင်းမြစ်များ

1 RAJA-RAJA 12:28

Dung ditimbangi ia pangalaho i, dibaen ia ma dua patung ni lombu sian sere jana didok ia ma tu rayat i, “Hamu bangso Israel! Tuk ma i na sahonokna on kehe hamu maribadat tu Jerusalem. Saonnari, angka on ma debatamunu na dung maroban hamu ruar sian tano Mesir!”

2 JUJUR TAON 33:7

Dibaen ia do patung ni gana-ganaan di bagasan Bagas Ni Debata, hape nian na dung didok Debata do salaho tu Bagas i tu si Daud dohot si Salomo anakna i, “Jerusalem do na dung Hutodo sian sidua bolas luat ni marga-marga ni bangso Israel. Jana madung Huputuskon do bahaso angkon di bagasKu na di huta i do bangsongKu maribadat tu Au salolot-lolotna.

MASMUR 78:58

Marhite angka patung dohot inganan parsombaan ni gana-ganaan, mangiburu jana tarrimas Ia dibaensa.

MASMUR 97:7

Sude na marsomba gana-ganaan dipaila, angka halak na mamuji dirina hara ni gana-ganaan. Sude debata marsomba sujut di jolo ni Tuhan.

HARURUAR 20:23

Ulang baen-baen hamu angka debata di hamu sian perak sanga sere gabe sisombaonmunu tamba ni Au.

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HARURUAR 32:23

Na didok ni halahi do tu au, ‘Nada hami paboto-boto be sanga aha na masa tu bayo i, si Musa na maroban hita ruar sian tano Mesir; jadi tabaen ma di hita sada debata na manguluhon hita.’

HARURUAR 32:4

Dijagiti ia ma i sudena sian tangan ni halahi; dipadomu ia ma i jana dibaen ia ma sian i anak ni lombu na nituang. Dung i didok halahi ma, “Hamu halak Israel, on ma debatanta na maroban hita ruar sian Mesir!”

HARURUAR 32:8

Manigor manyimbil do halahi antong sian dalan na Huparentahon tu halahi; dibaen halahi do anak ni lombu sian sere na nituang jana tusi ma halahi marsomba dohot mamelehon haul, didok halahi ma: Hamu ale halak Israel, on ma debatamunu na dung manogu hamu ruar sian tano Mesir.”

HARURUAR 34:17

Ulang baen hamu debata na nituang di hamu.

JESAYA 42:17

Sanga ise na porsaya tu patung ni gana-ganaan. Angkon marbalik tu pudi jana dapotan hailaan i ma angka na mandok tu patung gana-ganaan: ‘Ho ma debatanami!’ ”

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

JESAYA 45:16

Halak na mambaen patung sisombaon, pailaon do i jana palayason.

JEHESKIEL 20:7

Husuru halahi mangambungkon sude patung sihagigian na ni hagiotan ni halahi i, jana Huorai halahi pahodarkon dirina marhite na marsomba tu angka gana-ganaan na sian Mesir, angke Au do Tuhan Debata ni halahi.

JEHESKIEL 8:10

Masuk ma au antong jana huida ma. Digambari do dingding ni inganan i dohot sude ragam ni ulok dohot angka binatang na haram na asing i, songon i muse ragam-ragam ni gambaran ni gana-ganaan na nisomba ni angka halak Israel.

JEHESKIEL 8:3

Disurduhon Ia ma na tudos dohot tangan, jana dijingjing Ia ma obukku. Dung i di bagasan parnidaan i, diangkat Tondi i ma au tu holang-holang ni tano dohot langit jana dioban ma au tu Bagas Ni Tuhan na di Jerusalem, tu pintu masuk sabola Utara. Disi adong do patung ni gana-ganaan na dung pagurgur muruk ni Debata.

HAMALIMON 19:4

Ulang marbalik hamu sian Au, gabe kehe hamu manyomba gana-ganaan. Ulang baen hamu angka gana-ganaan sian angka logam jana manyomba tusi. Au do Tuhan Debatamu.

HAMALIMON 26:1

Didok Tuhan ma, “Nada tola baenonmunu gana-ganaan sanga pajongjong patung sanga pe tiang batu na niuhir gabe sombaon, Au do Tuhan Debatamu.

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

BAENON NI ANGKA RASUL 17:29

Antong, muda pomparan ni Debata do hita, nada tola etongon ni rohanta na sarupa Debata i sanga tu aha pe na nibaen marguru tu hapistaran ni jolma, i ma na nibaen sian sere sanga perak sanga batu.

SURAT NI SI PAULUS TU PARLAGUTAN ROM 1:23

Dipasambar halahi do hasangapan ni Debata na so muba-uba, tu gambaran na tudos tu jolma na muba-uba, angka unggas, binatang siopat pat dohot angka binatang na manjurur.

PANGARATAION 16:22

jana ulang pajongjong hamu muse tiang batu laho mamele debata na asing, dibaen magigi do Tuhan di pangalaho i.

PANGARATAION 27:15

Angka halak Levi mandok, ‘Bura ni Debata ma di jolma na mambaen patung sian batu, hayu sanga logam, jana na manyomba i di na buni; dihagigihon Tuhan do na mamele gana-ganaan!’ Sude bangso i mandok, ‘I ma tutu!’

PANGARATAION 5:8

Ulang baen di ho patung na manyarupai sanga aha pe diginjang di langit sanga na adong di tano, bope na di aek na di toru ni tano.

HALUMBAAN 16:2

Kehe ma manigor surusuruan na parjolo jana diduruskon ia ma isi ni sambongnia i tu tano. Gabe baro-baroon ma sudena sanga ise halak na maruli tanda ni binatang i dohot halak na manyomba patungna i.

HALUMBAAN 9:20

Hape laing so ra dope jolma na so hona bunu i pauba rohana sian sasude na nibaen ni halahi sandiri. Laing na so mantak do halahi marsomba tu angka begu dohot tu angka gana-ganaan sere, perak, tumbaga, batu dohot hayu na so marnida sanga marbinege, sanga pe mardalan.

HAKIM-HAKIM 17:3

Dipaulak ia ma hepeng perak i tu inangnia, gabe ninna inangnia i ma: “Anso ulang hona bura ho anakku, hupasahat ma hepeng i tu Tuhan. Anso dipake i mambaen sada gana-ganaan sian hayu na dilampis dohot perak. Jadi saonnari hupaulak ma tu ho hepeng perak i.”