HARURUAR 20:26 - BIBEL JAMITA NA DENGGAN

²⁶ Ulang baen hamu langgatan na gincat na jabat martangga laho manaeksa, anso ulang haidaan goar-goaran ni pamatangmu na pantang idaon.”

HARURUAR 20:26 ပူးပေါင်းရင်းမြစ်များ

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

HARURUAR 28:42

Baen ma saraor pendek sian abit linen di halahi, ginjangna mamungka sian gonting lalu tu hae-haena, anso ulang haidaan na niabitanna i.

HARURUAR 28:43

Angkon tongtong do marsaraor si Harun dohot angka dakdanaknia i muda masuk halahi tu bagasan Bandar ParmiananKu sanga donok tu langgatan laho maribadat songon malim di Inganan Na Badia. Jadi gabe nada hona bunu be halahi hara ni na tarida na niabitan ni halahi. Hot do aturan on tu si Harun dohot pomparannia.”

PARJAMITA 5:1

Jamot ma muda giot kehe tu Bagas Ni Tuhan. Dumenggan do kehe tusi laho marsiajar ulang pado laho manghaulkon haul, songon na nibaen ni angka jolma na oto. Nada tarpaasing halahi sanga dia na tutu dohot sanga dia na sala.

JEHESKIEL 43:17

Partonga-tonga i pe laing maropat sogi do, pitu meter be ma topina i, margadu-gadu di topi sian ruar, saparopat meter gincatna. (Bidang ni bondarna i satonga meter.) Di topina i sabola Habincaran adong do tangga tu ginjang ni langgatan i.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

1 PETRUS 1:16

Di Buku Na Badia i tarsurat do, “Angkon badia do hamu, angke Au pe na badia do.”