HARURUAR 20:24 - BIBEL JAMITA NA DENGGAN

²⁴ Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

HARURUAR 20:24 ပူးပေါင်းရင်းမြစ်များ

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

2 SAMUEL 6:12

Tarbege ma tu si Daud na dipasupasu Tuhan do si Obed-Edom dohot sude sinadongannia hara ni Poti Parjanjian i. Jadi kehe ma ia tu bagas ni si Obed-Edom jana dipaimbar ia ma Poti i tu Jerusalem mardongan horja godang.

1 RAJA-RAJA 8:29

Arian na borngin Ho ma manjagohon bagas parsombaan on na dung dipiliMu di Ho muda martangiang dohot bangsoMi mangadop tu bagas on, dung i muse muda ro au dohot bangsoMi martangiang manopot Ho tu bagas on sai tangihon ma hami jana sesa dosanami haru di banua ginjang pe ingananMu.”

1 RAJA-RAJA 8:43

sai tangihon ma di ingananMu di banua ginjang tangiang ni halahi jana oloi ma pangidoanna. Gabe songon bangsoMu Israel sude bangso na di tano on, mananda jana mangoloi Ho anso diboto halahi bagas na Hupauli on, i ma inganan paribadatan tu Ho.”

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

2 RAJA-RAJA 5:17

Jadi didok si Naaman ma, “Anggo laing na so ra do tuan i manjagit silehen-lehenkon, paloas ma au mulak maroban tano sabahat ni boban ni sapasang bagal. Harana mamungka saonnari hum tu Tuhan sajo noma au manghaulkon haul jana nada be anggo tu debata na asing.

2 JUJUR TAON 12:13

Mamarenta di Jerusalem do si Rehabeam jana mur magodang do kuasonia. Marumur opat pulu sada taon ma ia di na gabe raja, jana pitu bolas taon honokna ia mamarenta di Jerusalem, kota na dipili ni Tuhan sian sasude kota na adong di Luat Israel, anso gabe inganan paribadatan tuSia. Si Naama boru na sian tano Amon do inang ni si Rehabeam.

2 JUJUR TAON 7:16

Hubaen pe sudena i dibaen na dung Hutodo do inganan on jana Huhapunjungkon gabe inganan maribadat tu Au salolot-lolotna. ParrohahononKu jana jagohononKu do i sapanjangna.

ESRA 6:12

Debata na mamili Jerusalem i gabe inganan parsombaan tuSia, sai dipusa Ia ma ganop raja sanga bangso na barani mangalanggar parenta on dohot na mancubo mangaroncohon Bagas Ni Tuhan na di Jerusalem i. Au si Darius, au do na mangalehen parentaon. Padalan ma i sadenggan-dengganna.”

NEHEMIA 1:9

Tapi muda mulak hami mangulahi tu Ho jana hami oloi parentaMu, jadi palagutonMu ma hami mangulahi na dung dipaserakMi haru pe hami di angka ujung ni portibi on. Dung i paulahonMu ma hami tu inganan na dung ditodoMi gabe inganan maribadat tu Ho.

MASMUR 101:2

Giot mangolu au nian so targora andigan pe Ho ro tu iba? Giot badia do ngolungku di bagasku,

MASMUR 122:2

Saonnari madung masuk hami, mamolus sian horbangan ni kota Jerusalem.

MASMUR 128:5

Sai dipasupasu Tuhan ma hamu sian Sion. Sai idaonmunu ma nian, hasonangan ni Jerusalem salolot di ngolumu!

MASMUR 134:3

Sai dipasupasu ma hamu sian Sion dipasupasu Tuhan, Sitompa langit dohot tano!

MASMUR 74:7

Disurbu halahi do inganan habadiaanMu lopus gabe tiranggong, pahodarkon inganan parsombaan maradopkon Ho.

MASMUR 76:2

Jerusalem do ingananNia; Dolok Sion do inganan parmiananNia.

MASMUR 78:68

Marga Juda do na nipulditNia, dohot Dolok Sion na nihasianNia.

HARURUAR 10:25

Dialusi si Musa ma, “Anggo songon i do, angkon dilehen raja i ma pahan-pahanan di hami baen sihaulkonon dohot haul situtungon tu Tuhan, Debatanami.

HARURUAR 18:12

Dung i dioban si Jetro ma sanga na piga haul situtungon dohot haul sisambolon songon somba-sombania tu Debata. Ro do si Harun rap dohot sude pamimpin ni halak Israel i tu parjamuan i lalu mangankon panganon na badia i dohot si Jetro di jolo ni Debata.

HARURUAR 20:25

Muda sian batu do baenonmunu langgatan di Au, ulang ma baen hamu batu na dituhil, harana anggo dipake hamu do tuhil laho mambola batu i, nada patut be pakeon di Au langgatan i.

HARURUAR 24:4

Disuratkon si Musa ma sude parenta ni Tuhan i. Ancogotna i andos torang dope, dipajongjong ia ma langgatan di pat ni dolok i na nibaennia sian dua bolas batu; ganop batu ma mangwakili ganop marga ni Israel na dua bolas i.

HARURUAR 24:5

Dung i disuru si Musa ma angka doli-doli jana dipasahat halahi ma haul na nitutung tu Tuhan jana disambol halahi ma angka lombu songon haul pardonganan.

HARURUAR 27:1

“Baen ma sada langgatan sian hayu akasia. Angkon marsogi opat do i baenonmu tohangna 2,2 meter jana unjurna 2,2 meter. Gincatna 1,3 meter.

JESAYA 64:5

Lomo do rohaMu mida halak na jujur jana na mangolu mangihutkon hagiotMu. Muruk Ho tu hami, hape laing hami pupu mardosai tutu pardosa do hami tu Ho sian na robi.

HAMALIMON 17:9

tu Tuhan, angkon di pintu ni Bandar Parmianan do pasahatonnia. Muda di inganan na asing dipasahat ia, nada etongon be ia halak ni Debata.

MALEAKI 1:11

Dipasangap angka bangso na di tano on do Au sudena. Sanga na di dia ditutung halahi do dupa laho pasangapkon Au jana dihaulkon halahi do angka haul na patut tu Au. Olo! sude do halahi pasangapkon Au!”

MATEUS 18:20

Angke sanga di dia rap marlagut dua sanga tolu halak di bagasan goarKu, disi do Au rap dohot halahi.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

PANGARATAION 12:11

Angkon tusi ma hamu kehe maroban sude na dung huparentahon: Haul situtungon dohot haul na asing, haul parsampuluan dohot haul na marhapunjungan na dung nijanjihonmunu tu Tuhan.

PANGARATAION 12:21

Muda madao tu umpamana inganan paribadatan na sada i, tola ma hamu sanga na sadihari manyambol sada sian lombu sanga biri-biri na dung dilehen ni Tuhan di hamu, jana juhutna i pe tola ma panganonmunu di bagas, songon na dung hudok tu hamu.

PANGARATAION 12:5

Sian sude luat na masuk tu angka marga ni Israel, pilion ni Tuhan ma sada inganan maribadat di bangsonta anso tarbaen hita ro tu adopan ni Tuhan laho manyomba Ia.

PANGARATAION 14:23

Dung i kehe ma hamu tu inganan paribadatan na dung ditontuhon Tuhan Debatamunu. Di inganan i ma, di adopan ni Tuhan, angkon panganonmunu haul parsampuluan ni gandum, anggur, miak zetun maradu lombu dohot biri-birimunu na parjolo sorang. Patulus hamu ma i anso sai tongtong hamu marsiajar pasangapkon Tuhan Debatamunu.

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 26:2

angkon ganop be do hamu paindingkon patumonaan ni suha na dapot hamu tu bagasan sada ampang, lalu oban hamu ma i tu inganan paribadatan na sada i na dung ditontuhon humani.

PANGARATAION 7:13

HaholonganNia jana pasupasuonNia ma hamu, anso mur mabahat bilanganmunu; pasupasuonNia angka ladangmunu, anso gabe haroroan ni gandum, anggur dohot miak zetun. PasupasuonNa ma hamu marhite lombu dohot biri-biri na bahat. Lehenon ni Tuhan ma sude pasupasu i tu hamu di tano na giot silehenonNia tu hamu hombar tu janjiNia dohot ompumunu.

1 TIMOTEUS 2:8

Sanga na di dia pe angkon martangiang do angka halaklahi tu Debata sian roha na ias jana ulang mardongan muruk dohot salisi.