HARURUAR 20:22 - BIBEL JAMITA NA DENGGAN

²² Diparentahon Tuhan ma tu si Musa anso dipaboa ia tu bangso Israel, “Madung diida hamu sanga songon dia, Au Tuhan, Au na mandok hata tu hamu sian banua ginjang.

HARURUAR 20:22 ပူးပေါင်းရင်းမြစ်များ

NEHEMIA 9:13

Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

PANGARATAION 4:33

Unjung ma he adong sada bangso na hot mangolu dung dibege sada debata mangkuling tu halahi sian api, songon na nialamanmunu i?

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

PANGARATAION 5:24

Didok halahi, ‘Dipatuduhon Tuhan Debatanta i do hagodangan dohot hamuliaanNa di na hami bege Ia mangkuling sian api i! Madung hami saksihon di ari sadari on, na bolas do di sada-sada halak laing hot tongtong mangolu, haru pe na dung mangkuling Debata tusia.

PANGARATAION 5:26

Adong ma he jungada halak na laing mangolu songon hami dung dibegesa Debata na mangolu i mangkuling sian api?