HARURUAR 20:2 - BIBEL JAMITA NA DENGGAN

² “Au do Tuhan Debatamu, na maroban ho ruar sian tano Mesir, sian tano parhatobanan i.

HARURUAR 20:2 ပူးပေါင်းရင်းမြစ်များ

1 RAJA-RAJA 18:39

Disi diida rayat i pangalaho i, tungkap ma halahi tu tano lalu didok halahi ma, “Tuhan do Debata; Tuhan i do na tutu Debata!”

2 RAJA-RAJA 17:7

Madabu pe Samaria, hara ni dosa ni Israel do maradopkon Tuhan, Debata ni halahi na dung paluahon halahi sian raja Mesir jana na paruarkon halahi sian luat i. Na marsomba do halahi tu gana-ganaan

2 JUJUR TAON 28:5

Hara ni na mardosa Raja Ahas, gabe dipadiar Tuhan Debatania ma ia ditaluhon raja ni Siria na maroban muse bahat halak Juda gabe taban tu Damaskus. Laing dipadiar Tuhan muse ma ia ditaluhon Raja Pekah anak ni si Remalya na sian Israel, na mamunu 120.000 halak parajurit ni Juda angka na garang di bagasan sadari. Dipadiar Tuhan, Debata ni ompu ni halahi i do sudena i tarjadi, dibaen nada dipardulihon rayat ni Juda be Tuhan.

MASMUR 50:7

“O Israel, giot mandok hata Au; o hamu bangsongKu, tangihon hamu sude ma Au. Giot saksihononKu tu hamu, Au do Debata, Debatamunu.

MASMUR 81:10

Au do da Tuhan Debatamu, na manogu hamu ruar sian Mesir. Dompak na malean hamu, Hulehen do hamu mangan.

MASMUR 81:11

Hape nada ra bangsongKu manangihon hatangKu, nada ra Israel mangoloi tu Au.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 13:14

Muda disapai anakmu di pudian ni ari sanga aha astuan ni pesta on, angkon alusanmunu songon on, ‘Marhite hagodangan ni kuaso ni Tuhan do, na maroban hita ruar sian Mesir inganan parhatobananta i.

HARURUAR 13:3

Didok si Musa ma tu halak Israel, “Ingot hamu ma ari on ari haruruarmunu sian Mesir inganan parhatobanonmunu. On ma arina Tuhan paluahon hamu marhite kuasoNia na godang i. Ulang pangan hamu roti na marragi.

HARURUAR 15:13

Setia do Ho tu janjiMu manogu bangso na dung nipaluaMu, diiring Ho do halahi tu tanoMu na badia marhite hagogoonMu.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 20:1

Dung i didok Debata ma songon on,

HARURUAR 29:46

Gabe botoon ni halahi ma bahaso Au do Tuhan Debata ni halahi na maroban halahi ruar sian Mesir, anso tarbaen Au maringanan di tonga-tonga ni halahi. Au ma da Tuhan Debata ni halahi.”

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

JESAYA 43:3

Angke Au do Tuhan, Debatamu. Debata Na Badia ni Israel, Sipaluamu. Hulehen Mesir gabe partobusmu, Sudan dohot Seba baen gontimu.

JEREMIA 16:14

Didok Tuhan, “Ro do hatihana, nada marsumpa be jolma mangasahon Au Debata na mangolu, na maroban halak Israel ruar sian Mesir,

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 31:1

Didok Tuhan ma, “Dapot do i hatihana gabe Au Debata ni sude marga ni Israel, jana halahi gabe bangsongKu.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEREMIA 34:13

Debata ni Israel marsuru au mandok tu angka jolma songon on, “Di na Huoban ompungmunu haruar sian Mesir jana Hupalua sian parhatobanon, na dung Hubaen do parjanjian dohot halahi.

JEHESKIEL 20:19

Hudok ma tu halahi: Au do Tuhan Debatamunu. Oloi hamu ma tona dohot parentangKu.

JEHESKIEL 20:5

Palalu ma sanga aha na Hudokkon on, “Madung Hupili Israel jana Hupudun janji dohot halahi. Di Mesir, Hupapatar do Au tu halahi jana Hudok, ‘Au do Tuhan Debatamu.’

JEHESKIEL 20:7

Husuru halahi mangambungkon sude patung sihagigian na ni hagiotan ni halahi i, jana Huorai halahi pahodarkon dirina marhite na marsomba tu angka gana-ganaan na sian Mesir, angke Au do Tuhan Debata ni halahi.

HOSEA 12:10

Tapi Au Tuhan, Debatamunu na maroban hamu haruar sian Mesir, baenonKu ma hamu mangulahi maringanan di angka bandar songon najolo di na Hudapotkon hamu di padang halongonan.

HOSEA 13:4

Didok Tuhan ma, “Au do Tuhan Debatamu, mamungka sian tano Mesir. Nada adong Tuhan Debatamunu asing sian Au. Jana nada adong sipalua asing sian Au.

HAMALIMON 11:45

Au do Tuhan na maroban hamu ruar sian Mesir, anso gabe Au Debatamunu. Angkon badia do hamu angke na badia do Au.

HAMALIMON 19:36

Meter, timbangan bope takaran na tigor do pakeonmu. Au do Tuhan Debatamu, jana madung Huoban hamu haruar sian Mesir.

HAMALIMON 23:43

anso diboto pomparanmu, Tuhan do na manyuru halak Israel tinggal di bagasan undung-undung, hatiha dioban Ia halahi haruar sian Mesir. Ibana do Tuhan Debatamu.”

HAMALIMON 25:38

On ma parenta ni Tuhan Debatamu, na maroban hamu haruar sian Mesir, jana mangalehen tano Kanaan di hamu, anso Au gabe Debatamunu.

HAMALIMON 25:42

Bangso Israel, halak ni Tuhan do i, Ia do na maroban halahi haruar sian Mesir, jana hara ni i ma nada tola gadison halahi songon hatoban.

HAMALIMON 25:55

Nada tola gabe hatoban halak Israel salolot mangolu, angke halak Israel, halak ni Tuhan do i, Tuhan do maroban halahi haruar sian Mesir. Ia do Tuhan Debata ni halahi.

HAMALIMON 26:1

Didok Tuhan ma, “Nada tola baenonmunu gana-ganaan sanga pajongjong patung sanga pe tiang batu na niuhir gabe sombaon, Au do Tuhan Debatamu.

HAMALIMON 26:13

Au do Tuhan Debatamu na maroban hamu ruar sian tano Mesir anso ulang diparhatoban hamu. Madung Huponggolkon kuaso na mandondoni hamu, jana Hubaen hamu gabe halak na dung malua.”

AMOS 2:10

Huoban do hamu haruar sian Mesir, jana Hutogu mamolus padang parhorsihan opat pulu taon honokna. Hulehen do di ho tano ni halak Amori gabe tanomu sandiri.

SURAT NI SI PAULUS TU PARLAGUTAN ROM 10:12

Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

SURAT NI SI PAULUS TU PARLAGUTAN ROM 3:29

Sanga hum Debata ni halak Jahudi do Ia lakna? Nada he Debata ni bangso na asing do muse? Olo, laing Debata ni bangso na asing do Ia.

PANGARATAION 13:10

Angkon nidangguran do parsala i dohot batu lopus mate! Na giot padaoonnia ma hamu antong sian Tuhan Debatamunu na paluahon bangso on sian parhatobanan na di Mesir.

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

PANGARATAION 5:6

Ninna Debata ma, ‘Au do Tuhan Debatamu, na maroban hamu ruar sian tano Mesir, sian inganan parhatobanan i.

PANGARATAION 7:8

Tapi dihaholongi Tuhan do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

HAKIM-HAKIM 2:1

Kehe ma Surusuruan Ni Tuhan sian Gilgal tu Bokim jana didok ma tu angka halak Israel, “Madung Huparuar hamu sian Mesir jana Huoban hamu tu tano na dung Hujanjihon tu ompungmunu. Madung Hudok muse, ‘Nada gotapkononKu pudun-pudun ni janji antara Au dohot hamu.

HAKIM-HAKIM 6:10

Madung Hudok tu hamu bahaso Au do Tuhan Debatamunu, dohot na so tola hamu marsomba angka debata ni bangso Amori na niingananmunu tanona i saonnari. Hape nada diihutkon hamu parentangKu.’ ”