HARURUAR 20:18 - BIBEL JAMITA NA DENGGAN

¹⁸ Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

HARURUAR 20:18 ပူးပေါင်းရင်းမြစ်များ

PAMUNGKAAN 15:17

Dung borngin tompu ma tarida sada dalihan na martimus dohot obor na gara, na mamolus di antara ni bola-bolaan ni juhut i.

PAMUNGKAAN 3:10

Dialusi halaklahi i ma, “Mabiar do au dung hubege Ho ro tu kobun on gabe martabuni au, angke marsaemara do au.”

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

JEREMIA 23:23

Debata na adong di sude inganan do Au, nada hum di sada inganan sajo.

PANGARATAION 18:16

Di ari i, dompak na marlagut hamu di Dolok Sinai, dipangidohon hamu anso ulang be nian dibege hamu mangulahi Tuhan mangkuling, jana ulang diida hamu haroroNia di bagasan api na marjilam-jilam, hara ni biarmunu mate.

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

PANGARATAION 5:23

“Di na marjilam-jilam dolok i jana dibege hamu sora sian hagolapan, ro ma angka pamimpin dohot kapala ni angka marga-margamunu tu au.

PANGARATAION 5:25

Hapengani tu aha dope angkon sai porangkononnami hosanami? Na giot abiskonon ni api na jorbut i ma hami. Anggo ning rohanami na mate ma hami muda hami bege Tuhan Debatanami mangkuling mangulahi.

PANGARATAION 5:27

Antong Musa, ho ma kehe laho manangihon sandok na nidok ni Tuhan Debatanta i. Dung salpu i, angkon mulak ho laho palaluhon tu hami sanga aha, na nidokNa i tu ho. Tangi ma hami jana mangoloi.’

PANGARATAION 5:5

Jongjong do au di hatiha i di antaramunu dohot Tuhan laho palaluhon tu hamu sanga aha na nidok ni Tuhan, angke mabiar do hamu tu api i jana nada ra hamu manganangkohi dolok i.