HARURUAR 20:14 - BIBEL JAMITA NA DENGGAN

¹⁴ Ulang markarosuan.

HARURUAR 20:14 ပူးပေါင်းရင်းမြစ်များ

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

2 SAMUEL 11:27

Tapi dung abis ari-ari marsiluluton i, disuru alap si Daud ma anakboru i tu bagas godang jana gabe dadaborunia. Nada sadia honok, sorang ma sada anaknia. Tapi nada jop roha ni Tuhan di pangalaho ni si Daud i.

HAMALIMON 18:20

Ulang marcampur dohot dadaboru ni halak na asing, pangalaho na songon i mambaen ramun ho.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

MALEAKI 2:15

Nada he na dung dibaen Debata hamu sapamatang dohot satondi dohot dadaboru i? Ahe dehe maksud ni Tuhan disi? Nada asing sian sada maksud, i ma anso maruli dakdanak hamu na tutu situtu bangso ni Debata. Jadi, tangkas parrohahon hamu; ulang jabat adong sian hamu na manguba janji sian dadaboruna.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

BILANGAN 5:12

mangalehen angka paraturan on tu halak Israel. Sai adong do masa di sada halaklahi mangkilala na so tunduk be dadaborunia tusia. Curiga rohania di dadaborunia i na dung rorang hara ni na margaul dohot halaklahi na asing. Tapi di halaklahi i nada adong sada sitiopan na tontu, angke marsibuni do dadaborunia mangkarejohon na songon i, saksi pe nada adong, dadaboru i pe nada jungada tardapot. Sanga ra muse do antong, sahalak halaklahi manuhas i dadaborunia, hape nada adong hasalaan ni dadaboru i.

MATEUS 19:18

“Parenta na dia ma i?” ning bayo i manyapai. Dialusi Jesus ma, “Ulang ho mamunu, ulang ho markarosuan, ulang ho manangko; ulang ho margabus.

SURAT NI SI PAULUS TU PARLAGUTAN ROM 13:9

Angke adong do tarsurat: Ulang markarosuan; ulang mamunu jolma; ulang manangko; ulang impol rohamu di sanga aha pe nampuna ni halak na asing; sudena i bope dohot angka aturan na asing i, nirahut do gabe sada aturan sajo, i ma na mandok, “Haholongi ma donganmu jolma songon pangkaholongimu di dirimu sandiri.”

PANGARATAION 5:18

Ulang markarosuan.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JAKOBUS 2:11

Angke Ia do na mandok, “Ulang ho markarosuan,” laing Ia muse do na mandok, “Ulang ho mamunu.” Jadi muda nada markarosuan ho, hape mamunu jolma, laing na mangalanggar Tona i do hamu disi.

JAKOBUS 4:4

Angka jolma na so tigor do hamu! Diboto hamu dehe, muda mardongan hamu dohot portibi on na gabe musu ni Debata do hamu?

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”