HARURUAR 20:12 - BIBEL JAMITA NA DENGGAN

¹² Pasangap ma amangmu dohot inangmu, anso ginjang umurmu di tano na nilehen ni Tuhan Debatamu di ho.

HARURUAR 20:12 ပူးပေါင်းရင်းမြစ်များ

PAMUNGKAAN 48:12

Dung i dibuat si Josep ma dakdanak na dua i sian ampuan ni si Jakob, jana tungkap ma ia marsomba di jolo ni amangnia i.

PAMUNGKAAN 50:12

Songon i ma dibaen angka dakdanak ni si Jakob laho patuluskon na nitonahonnia i tu halahi.

1 RAJA-RAJA 2:19

Dung i kehe ma si Batseba giot mangkatai dohot raja i hara ni si Adonia. Jongjong ma raja i mangalo-alo inangnia lalu dipaunduk ia laho mamparsangapi, dung i juguk ma ia tu habangsania. Disuru ia ma na pasingkop karosi di siamunnia juguhan ni inangnia.

2 RAJA-RAJA 2:12

Disi diida si Elisa manigor marsurak ma ia, “Amang Elia! O Amang! Halak na godang di Israel! Nada adong be ho!” Jadi mago ma si Elia sian parnidaan ni si Elisa. Hara ni marsakna disibakkon si Elisa ma jubania bola dua.

HARURUAR 21:15

Sanga ise na mamukul amangna sanga inangna, angkon mate niuhuman.

HARURUAR 21:17

Sanga ise na mamurai amangna sanga inangna angkon mate niuhuman.

PODA 15:5

Ditulak na bodo do pangajarion ni amangna, tapi sanga ise na manangihon sipaingot, na bisuk do i.

PODA 17:6

Jagar-jagar ni halak na matobang, i ma anak maradu pahompuna; jagar-jagar ni dakdanak, i ma simatobangna.

PODA 20:20

Muda diburai ho simatobangmu, mago ma ngolumu songon lampu na mintop di borngin na golap.

PODA 28:24

Na manangko sian simatobangna jana mangetong songon i nada dosa, sarupa do i tu angka panangko na somal.

PODA 3:16

Dilehen habisuhon do di ho umur na ginjang, sinadongan dohot hasangapan.

PODA 30:11

Adong do halak na pasumpahon amangna jana na so mangargahon inangna.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

JEREMIA 35:18

Dung i hudok ma tu angka halak na sian horong ni si Rekhab bahaso na nidok ni Tuhan Na Markuaso i, Debata ni Israel songon on, “Madung dioloi hamu ompumunu si Jonadab; sude parentania dioloi jana didalankon hamu do.

JEREMIA 35:7

Nada tola hami marsuan-suanan, mambuka kobun anggur sanga marnampunahonsa. Salolot mangolu nada tola muse hami pajongjongkon bagas, tapi angkon torus do maringan di bagasan bandar, anso tarbaen hot hami maringanan di luat on songon halak sileban.

JEHESKIEL 22:7

Sahalak pe so adong halak na mangingani ho na pasangapkon simatobangna. Dikicu ho do halak jana dihaut ho untung sian hasusaan ni na mabalu dohot na so marama so marina.

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

MATEUS 19:19

Pasangap ma amangmu dohot inangmu. Dung i haholongi ma donganmu jolma songon pangkaholongimu di dirimu sandiri.”

MARKUS 10:19

Tontu diboto ho do tona ni Debata na mandok, ‘Ulang ho mamunu, ulang markarosuan, ulang manangko, ulang margabus, ulang paoto-otohon, pasangap ma amangmu dohot inangmu!’ ”

MARKUS 7:10

Na he ma didok si Musa hian do, ‘Pasangap ma amangmu dohot inangmu,’ jana ‘Sanga ise na palayaskon amangna dohot inangna, angkon mate ma niuhuman i.’

LUKAS 18:20

Madung diboto ho sude parenta ni Debata i: ‘Ulang ho markarosuan; ulang ho mamunu; ulang ho manangko; ulang ho margabus mangalo donganmu; jana pasangap ma amangmu dohot inangmu.’ ”

EPESUS 5:21

Dung i marsiolo-oloan ma hamu di bagasan biar ni roha mida Debata.

PANGARATAION 11:8

“Oloi hamu ma angka aturan na hulehen tu hamu di ari sadari on, dung i tarbaen hamu ma manaripari batang aek i dohot mamasuhi tano na giot siingananmunu santongkin nari.

PANGARATAION 11:9

Jana lolot muse ma hamu mangolu di tano na mora boti na napu i na dung dijanjihon Tuhan tu ompumunu dohot tu pomparan ni halahi.

PANGARATAION 21:18

“Adong ma umpamana anak halaklahi na jogal roha, sai mangalo jana nada ra mangihutkon na nidok ni simatobangna haru pe nian na dung dipincang halahi ia.

PANGARATAION 25:15

Timbangan dohot parsuhatan na pas ma pake hamu anso ginjang umurmunu di tano na giot silehenon ni Tuhan Debatamunu di hamu.

PANGARATAION 27:16

‘Bura ni Debata ma di halak na palayas amangna dohot inangna.’ Dung i sude ma bangso i mandok: ‘I ma tutu!’

PANGARATAION 32:47

Nada hata na rumar angka pangajaran on, tapi hangoluan do. Oloi hamu ma sude pangajaran i, anso ginjang umurmunu di tano na so sadia lolot nari be buatonmunu, di bariba ni Batang aek Jordan i.”

PANGARATAION 4:26

Langit dohot tano ma na gabe saksimunu sadari on, muda ampot nada marpangoloion hamu tu na hudok i, manigor mago ma hamu sian tano na giot siingananmunu na di ipar ni Batang aek Jordan i. Nada pola honok hamu tinggal disi, tapi roncohononkon do sudena.

PANGARATAION 4:40

Oloi hamu ma sandok aturan na hulehen tu hamu sadari on, jadi gabe horas ma hamu dohot pomparanmunu. Sai torus ma hamu mangolu di tano na nilehen ni Tuhan na gabe hamu puna salolot-lolotna.”

PANGARATAION 5:16

Pasangap ma amangmu dohot inangmu; songon na diparentahon ni Tuhan Debatamu, anso sonang jana ginjang umurmunu di tano na nilehen ni Tuhan Debatamu di ho.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

KOLOSSE 3:20

Hamu angka dakdanak! Tugasmunu do songon halak Kristen hamu, mangoloi simatobangmunu tongtong, angke na songon i do na pajopkon roha ni Debata.

RUT 3:6

Jadi kehe ma si Rut tu inganan ni na markarejo mambanting burir-burirna i. Dipatulus ia ma disi sude na nidok ni namborunia i tusia.

1 SAMUEL 22:3

Kehe ma si Daud sian liang i tu Mispa na di Moab jana didok ia ma tu raja na di Luat Moab, “Paloas ma jolo damang dohot dainang tinggal rap dohot ho lopus huboto sanga aha maksud ni Debata salaho tu au.”