HARURUAR 2:5 - BIBEL JAMITA NA DENGGAN

⁵ Dung i ro ma boru ni raja ni Mesir, mijur tu batang aek i giot maridi jana mardalan-dalani ma pandonganina i ditopi ni aek i. Jadi ompot ma diida boru ni raja i karanjang i ditonga-tonga ni galoga i, gabe disuru ia ma sahalak hatobannia dadaboru mambuatsa.

HARURUAR 2:5 ပူးပေါင်းရင်းမြစ်များ

1 RAJA-RAJA 17:6

Minum sian anak ni batang aek i ma ia jana mangan roti dohot juhut na nioban ni unggas sigak ganop manyogot dohot ganop potang.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 76:10

Rimas ni jolma gabe pujian do i di Ho jana na debanari i gabe hauntunganMu dipake Ho.

MASMUR 9:9

Tuhan do parondingan ni halak na nidondonan, inganan parlojongan di hatiha hasusaan.

HARURUAR 2:6

Dung dibuka boru ni raja i karanjang i, diida ia ma sada dakdanak di bagasan. Tangis do dakdanak i, gabe ibo ma roha ni boru ni raja i, lalu didok ia, “Anak ni halak Ibrani do on.”

HARURUAR 7:15

Hara ni i kehe ma ho mandapotkon ia manyogot on, dompak manuat ia tu Batang aek Nil. Oban ma tungkot na muba i gabe ulok, jana painte ma haroronia di topi ni batang aek i.

HARURUAR 8:20

Didok Tuhan ma tu si Musa, “Kehe ma ho ancogot sogot manyogot i mangadop raja i hatiha manuat ia tu batang aek i, jana pabolkas ma tusia hata on, ‘Paloas ma kehe bangsongKu maribadat tu Au.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

JUNUS 2:10

Dung i, hara ni parenta ni Tuhan, diutahon ihan i ma si Junus tu darat.

BAENON NI ANGKA RASUL 7:21

jadi dung diambungkon ia, dibuat boru ni raja Mesir ma ia jana dipagodang-godang boru ni raja Mesir i ma ia songon anakna sandiri.