HARURUAR 2:3 - BIBEL JAMITA NA DENGGAN

³ Dung mur lolot nada tarbunihon ia be. Gabe dibuat ia ma karanjang na nibayu sian galoga, dilapis ia ma i dohot ter anso tahan tu aek. Dipamasuk ia ma dakdanak i tu bagasan karanjang i, lalu dioban tu batang aek, jana dipayakkon ia ma tu galoga na di topi ni batang aek i.

HARURUAR 2:3 ပူးပေါင်းရင်းမြစ်များ

PAMUNGKAAN 11:3

Marsidokkonan ma halahi na sada tu donganna, “Tole ma tabaen batu bata, tatutung ma i lopus pir.” Songon i ma dalanna gabe adong batu bata di halahi sipakeon laho pajongjong bangunan dohot na gabe sipakeon laho palohotkonsa.

PAMUNGKAAN 14:10

Na gohan do di rura i sumur aspal, jana di na marlojongi angka raja ni Sodom dohot Gomora paluahon dirina sian parporangan i, dojup ma halahi madabu tu bagasan ni angka sumur i. Anggo raja na tolu halak nari malua do halahi jana maporus tu dolok.

PAMUNGKAAN 6:14

Baen ma sada kapal di ho sian hayu na pir; baen ma angka bilikna di bagasan jana lampis ma dohot ter sian bagasan dohot sian ruar.

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

JESAYA 18:2

Marroan ma angka suruan sian luat i mamolus sian Batang aek Nil mamake angka parau pandan. Hamu ale angka suruan na lingkas-lingkas, ompoti hamu ma mulak tu tanomunu na nibolus ni angka batang aek i. Palalu hamu ma sada tona tu bangsomunu na gogo jana na barani i, angka na ginjang na godang boti parhuling-huling na halus jana sihabiaran di na satano on.

JESAYA 19:6

Muap bau ma angka bondar di na mur abis aekna i. Marmalosan ma angka arung dohot duhut.

JESAYA 35:7

Pasir na milas gabe ambar, tano na harsang aekna marjabar-jabar. Na somal inganan ni anjing harangan, gabe hatubuan ni duhut dohot pandan.

MATEUS 2:13

Dung kehe parilmu bintang i, diida si Josep ma sahalak surusuruan di bagasan nipinia. Didok surusuruan i ma tusia, “Jongjong ma ho, boan ma Dakdanak i dohot inangNa i mangungsi tu tano Mesir. Disi ma hamu maringanan lopus ro Au mangulahi mangkatai dohot ho. Harana ditahi roha ni si Herodes do manjalahi Dakdanak i laho mamunusa!”

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

BAENON NI ANGKA RASUL 7:19

Jadi diakal-akali raja i ma halak hita i, diparkanciti ia ma angka ompunta i. Dipaksa ia ma ambungkononkon angka dakdanak ni halak hita na baru sorang anso ulang mur mabahat halahi.