HARURUAR 2:23 - BIBEL JAMITA NA DENGGAN

²³ Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

HARURUAR 2:23 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 4:10

Jadi didok Tuhan ma, “Biasi angkon baenonmu pangalaho na jorbut i? Pio-pio do mudar ni anggimi sian tano i, songon sora na mangangguk mangido pamalosan.

NEHEMIA 9:9

Diligi Ho do parkancitan ni ompunami di hatiha na salpu: Ditangihon Ho do tangis ni halahi di Mesir dohot Laut Rara.

JOB 35:9

Angka jolma na hona pisat, mangangguk godang; marsurak ma halahi mangido nitolongan.

MASMUR 102:1

Ale Tuhan, tangihon ma tangiangku, parrohahon ma pangidoanku.

MASMUR 102:2

Ulang marbalik Ho sian au muda di bagasan hasusaan au. Tangihon ma muda pio-pio au, manigor ma alusi au.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 18:6

Di na tarsosak au hupiohon Tuhan, mangkuling tu Debata mangido partolongan. Sian BagasNa do Tuhan manangihon, dibege Ia sorangku mangido pangurupion.

HARURUAR 1:14

mambaen ngolu ni halahi markancit. Saotik pe nada adong ibo ni roha di halahi, dipaksa do halahi markarejo di angka proyek pambangunan dohot di ladang-ladang.

HARURUAR 4:19

Dompak di Midian dope si Musa, didok Debata ma tusia, “Mulak ma ho tu Mesir. Sude jolma na giot mamunu ho hian, madung mate.”

HARURUAR 6:5

Madung Hubege angguk ni halak Israel, na niparhatoban ni halak Mesir i, jana gabe taringot Au tu janjingKi.

HARURUAR 6:9

Sude Tona Ni Tuhan i dipabolkas si Musa do tu bangso Israel, tapi nada ditangihon halahi be si Musa dibaen madung mandele halahi patunda ni hancitna parhatobanan i.

HARURUAR 7:7

Hatiha i 80 taon ma umur ni si Musa jana si Harun marumur 83 taon, di na kehe i halahi mangadop tu raja i.

JESAYA 19:20

Langgatan dohot tiang i ma songon tanda ni na ro Tuhan Na Markuaso i di Mesir. Muda hona sosak bangso i, gabe pio-pio halahi mangido tolong tu Tuhan, suruhononNia ma sada halak na paluahon halahi.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

BILANGAN 20:16

gabe pio-pio hami tu Tuhan mangido pangurupion. Ditangihon Tuhan do pangidoannami gabe disuru Ia sahalak surusuruan. Surusuruan i do maroban hami haruar sian tano Mesir. Saonnari maradian di Kades do hami, i ma sada kota di parbandaran ni tano ni raja i.

BAENON NI ANGKA RASUL 7:30

Jadi dung opat pulu taon, ro ma sada surusuruan mandapotkon si Musa di halongonan na di Dolok Sinai, di bagasan api na marjilam-jilam di tadatada i.

PANGARATAION 24:15

Ganop ari painte so lusut mataniari, angkon gararonmunu do gajina na markarejo sadari i, sai arop do rohania anso dapot ia antong hepeng i hara ni porluna i disia. Muda nada digarar hamu upana i, pio-pio ma ia tu Tuhan mangaduhon hamu jana torang ma hamu mardosa dokkononna.

JAKOBUS 5:4

Nada digarar hamu upa ni angka halak na markarejo di ladangmunu. Saonnari bege hamu ma hoi-hoi ni halahi! Angka halak na palagutkon suha ni ladangmunu, marsurak do halahi mangido tolong jana lalu do angguk ni halahi i tu simanangi ni Debata, Tuhan Na Markuaso i.

HAKIM-HAKIM 4:3

Adong do sambilan ratus kareta porang na sian bosi di si Jabin. Dua pulu taon honokna ia manjajah halak Israel, i noma kejamna. Dung i pio-pio ma halahi mangido tolong tu Tuhan.

1 SAMUEL 12:8

Di na ro si Jakob dohot dakdanakna tu Mesir, jana dipisat halak Mesir halahi, mangido tolong do ompumunu i tu Tuhan, jadi gabe disuru Tuhan ma si Musa dohot si Harun. Sidua halak i ma na maroban ompumunu sian Mesir dohot na mangurupi halahi gabe maringanan di luat on.

1 SAMUEL 9:16

“Ancogot manyogot tarsongonon arina, suruonKu do sahalak sian Marga Benyamin mandapotkon ho. Miahi ma ia gabe raja di bangsongKu Israel. Paluaonnia ma bangsongKi sian halak Pilistin. Madung Huida sitaonon ni bangsongKu jana madung Hubege partangis ni halahi mangido tolong.”