HARURUAR 2:20 - BIBEL JAMITA NA DENGGAN

²⁰ “Di dia do ia saonnari?” ninna si Jetro tu angka borunia i, “Biasi ditinggalkon hamu ia disi? Kehe ma hamu marpio ia anso mangan ia rap dohot hita.”

HARURUAR 2:20 ပူးပေါင်းရင်းမြစ်များ

PAMUNGKAAN 18:5

Huparade ma jolo nanggo pala indahan sangaum anso margogo na imbaru hamu patoruskon pardalananmunu. Dapotan sangap do au di na maradian on hamu tu bagaskon, hara ni i paloas hamu ma jolo huoloi hamu.” Dialusi halahi ma, “Tarimakasi ma da, hami jagit ma pangidoanmi.”

PAMUNGKAAN 29:13

Jadi di na nibege ni si Laban barita ni si Jakob baberenia i, marlojong ma ia mandapotkonsa. Dihaol si Laban ma si Jakob lalu diummai ia, jana dioban ia ma masuk tu bagas. Dung abis dicaritohon si Jakob sude na tarjadi i tu si Laban,

PAMUNGKAAN 31:54

Disambol ia ma sada pahan-pahanan jana dihaulkon ia ma gabe songon haul na nitutung di ginjang ni dolok i. Diontang ia muse ma angka halaknia rap mangan. Dung abis mangan, marborngin di dolok i ma halahi.

PAMUNGKAAN 43:25

Dung i diparade halahi ma silua ni halahi i na giot pasahaton tu si Josep muda ro ia arian i, harana madung dipaboa hian tu halahi, na giot rap halahi mangan arian dohot ia.

JOB 31:32

Ungkap do pintu ni bagasku di halak na mardalanan; nada jungada hupadiar halahi habornginan di dalan.

JOB 42:11

Marroan ma manopot si Job sude angkangnia dohot ibotonia maradu ale-alenia sude di hatiha na salpu, lalu rap marpesta ma halahi di bagasnia. Dipaboa halahi ma na dohot halahi marsak hara ni sude hasusaan na niparo ni Tuhan tusia jana diapoi halahi ma ia. Marsilehen ma halahi hepeng na sasadia be dohot tintin sada be tu si Job.

HARURUAR 2:19

Dialusi halahi ma, “Adong sada halak Mesir na mangurupi hami. Ia do manimba aek i, jana mangalehen minum angka pahan-pahananta i.”

HARURUAR 2:21

Dipasada si Musa do rohania maringanan disi. Dung i dilehen si Jetro ma borunia si Zipora di si Musa gabe dadaborunia.

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.