HARURUAR 2:15 - BIBEL JAMITA NA DENGGAN

^15-16 Dung tarbege tu raja na masa i, dijalahi ia ma dalan laho mamunu si Musa. Gabe lintun ma si Musa jana maringanan di Luat Midian ma ia. Malim sian Midian margoar si Jetro, pitu do borunia. Di na sadari, hatiha juguk si Musa di lambung ni sada sumur, ro ma bujing-bujing na pitu i; giot manimba aek mangisi panginuman ni habanan ni hambeng dohot biri-biri ni amang ni halahi.

HARURUAR 2:15 ပူးပေါင်းရင်းမြစ်များ

PAMUNGKAAN 24:11

Dung lalu ia di adu, diparadiankon ia ma angka unto i di lambung ni sada sumur di balian ni kota i. Andospotang ma hatiha i, jana tingkina ma angka dadaboru muhat mangalap aek tu sumur i.

PAMUNGKAAN 25:2

Ditubuhon ripenia i do angka anak na margoar: Si Zimran, si Joksan, si Medan, si Midian, si Isbak dohot si Suah.

PAMUNGKAAN 25:4

Angka anak ni si Midian i ma: Si Efa, si Efer, si Hanokh, si Abida dohot si Eldaa. Pomparan ni si Ketura ma i sudena.

PAMUNGKAAN 29:2

Na so niambang-ambang diida ia ma sumur di padang, jana adong ma di lambungna i modom-modom tolu hulanan hambeng na giot lehenon minum songon na somal. Ditutupi dohot batu na godang do sumur i.

1 RAJA-RAJA 11:18

Kehe ma halahi sian Midian, lalu ma tu Paran, jana disi ma marsuo halahi dohot halak na asing deba nari jadi udur ma halahi tu Mesir mandapotkon raja Mesir. Dilehen raja i ma tu si Hadad bagas dohot tano baen inganannia dohot haroroan ni ngolu-ngolunia.

HARURUAR 18:4

anaknia na paduahon i dibaen ia goarna si Elieser, harana didok si Musa, “Madung diurupi Debata ni daompung au jana dipalua Ia au, gabe nada dibunu raja ni Mesir au.”

HARURUAR 4:19

Dompak di Midian dope si Musa, didok Debata ma tusia, “Mulak ma ho tu Mesir. Sude jolma na giot mamunu ho hian, madung mate.”

PODA 22:3

Monjap do halak na marroha muda diida ro jaya; anggo halak na bodo sai mardalan do torus gabe marmara.

HABAKUK 3:7

Huida ma mabiar rayat ni Kusan, jana humitir halak Midian.

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

JOHANNES 4:6

Disi ma sumur ni si Jakob i. Loja sajo ma Jesus na mardalan i, gabe kehe Ia juguk maradian di topi ni sumur i. Hira-hira pukul dua bolas ma hatiha i.

BAENON NI ANGKA RASUL 7:29

Dung dibege si Musa na nidok ni bayo i, lari ma ia sian Mesir lalu tu Midian jana disi noma ia maringanan. Dua ma anaknia na sorang disi.

IBRANI 11:27

Hara ni haporsayaanna, gabe ditadingkon si Musa do tano Mesir so pola mabiar ia mida raja i na topet muruk marsitutu. Torus ditustus ia do dalannia songon na dung niidania Debata na so tarida i.