HARURUAR 2:10 - BIBEL JAMITA NA DENGGAN

¹⁰ Dung tuk godang ni dakdanak i, dilehen inangna i ma dakdanak i tu boru ni raja i. Gabe dibaen boru ni raja i ma dakdanak i anak angkatnia. “Hubaen ma goarnia si Musa, angke na hubuat sian aek do ia antong,” ninna boru ni raja i di bagasan rohana.

HARURUAR 2:10 ပူးပေါင်းရင်းမြစ်များ

PAMUNGKAAN 16:11

Tubuhononmu ma sada anak halaklahi jana goaronmu ma ia si Ismael, angke madung ditangihon Tuhan andung-andungmi.

PAMUNGKAAN 4:25

Maruli anak dope si Adam dohot dadaborunia sada nari. Ning si Hawa ma, “Dilehen Debata dope baya di au sada nari anak gonti ni si Abel na nibunu ni si Kain i.” I ma umbaen si Set dibaen ia goar ni anaknia i.

PAMUNGKAAN 48:5

Laing didok si Jakob dope, “Ale Josep, ia anakmu si Efraim dohot si Manase na sorang di Mesir on dompak so lalu dope au tuson, au do nampunasa; dakdanakku do halahi na dua dos songon si Ruben dohot si Simeon.

2 SAMUEL 22:17

Dijata Tuhan au jana dijomput sian ginjang lalu ditarikSa au sian aek na bagas.

HARURUAR 2:9

Didok boru ni raja i ma tu ina i, “Oban ma dakdanak on, pataguk ma ia anso di au, dung i hugarar pe di ho.” Jadi dioban ina i ma dakdanak i anso dipataguk ia.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

GALATIA 4:5

Anso laing tartobus Ia muse angka jolma na mangolu di toru ni angka Tona i. Boti anso laing dohot ma hita diangkat Debata gabe dakdanakNia.

IBRANI 11:24

Hara ni haporsayaanna, dung magodang si Musa, nada ra ia nigoar anak ni boru ni raja ni Mesir.

1 JOHANNES 3:1

Ligi ma, sai godang do holong ni roha na nilehen ni Ama i tu hita, ma pola nigoar hita dakdanak ni Debata; jana na tutu do angka dakdanak ni Debata hita. Hara ni i nada ditanda portibi na jahat on hita, harana nada ditanda portibi on Debata.

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”