HARURUAR 19:5 - BIBEL JAMITA NA DENGGAN

⁵ Saonnari, muda ra do hamu mangoloi na Hudok jana ingot rohamunu tu parjanjianKu, baenonKu ma hamu gabe bangso, hapunjunganKu sandiri. Au do nian nampuna tano on sudena,

HARURUAR 19:5 ပူးပေါင်းရင်းမြစ်များ

PAMUNGKAAN 17:9

Didok Debata dope tu si Abraham, “Ho pe angkon laing rade do maniop parjanjian on, bope ho bope pomparanmu marsundut-sundut.

1 RAJA-RAJA 8:53

Sian sude bangso madung dipili Ho halahi gabe bangsoMu sandiri, songon na dung didokMi marhite naposoMu si Musa, di hatiha ditogu Ho ompungnami haruar sian Mesir.”

1 JUJUR TAON 17:22

Dibaen Ho do bangso Israel gabe bangsoMu sandiri salolot-lolotna. Jana Ho do Tuhan na gabe Debata ni halahi.

JOB 41:11

Ise ma na mangalosa na so hona mara? Sahalak pe nada adong tarbaensa di tano on sudena.

JOB 41:3

Mungkin ma he ra ia mangido anso dipalua ho? Sanga martahi tu ho, mangido ibo ni roha sian ho?

MASMUR 135:4

Ditodo Ia si Jakob baen diSia sandiri halak Israel, dibaen Ia gabe nampunaNia.

MASMUR 24:1

Tuhan do nampuna tano dohot pangisina, portibi dohot sude na manginganisa.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

HARURUAR 15:26

Ninna Tuhan ma, “Angkon oloanmunu do Au sian sude rohamunu, marhite na patupahon sanga aha na denggan di Au bope patulus sude na Huparentahon. Muda dikarejohon hamu do i, nada uhumanKu hamu marhite angka nyae songon na dung Hubaen tu halak Mesir i. Au do Tuhan na pamalum hamu.”

HARURUAR 23:22

Tapi muda burju do hamu mangoloi tusia dohot patuluskon sandok na Huparentahon, sosohononKu ma musumu jana Au ma marporang mangalo sude musumunu.

HARURUAR 24:7

Dung i dibuat si Musa ma buku parjanjian panyuratan ni angka parenta ni Tuhan i, jana disise ia ma i gogo di jolo ni bangso i. Didok halahi ma, “Oloannami ma Tuhan i, jana patulusonnami ma sandok na niparentahonNia.”

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

HARURUAR 6:7

Gabe bangsongKu ma hamu baenonKu jana Au gabe Debatamunu. Anso diboto hamu, Au do Tuhan Debatamunu di na Hupalua hamu sian parhatobanon di Mesir.

HARURUAR 8:22

Tapi asing baenonKu anggo tu tano Gosen, inganan ni bangsongKi. Anggo disi nada adong lanok, anso diboto hamu, Au do Tuhan na manguhum luat on.

HARURUAR 9:29

Didok si Musa ma tu raja i, “Disi haruar au sian kota on, angkatonku ma tanganku martangiang tu Tuhan. Mantak ma ronggur i, siang ma udan ambolas, anso diboto hamu, Debata do nampuna tano on.

ENDE NA GODANG 8:12

Haru pe sabahat-bahatna hepeng ni si Salomo dohot angka pamola nada parduli au disi angke adong do kobun anggurku sandiri.

JESAYA 1:19

Muda ra hamu burju mangoloi Au, daionmunu do sandok na denggan suha ni tanomunu i.

JESAYA 41:8

Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

JESAYA 43:1

Tapi saonnari, songon on do hata ni Tuhan, na manompa ho ale Jakob, na mambaen ho ale Israel: “Ulang mabiar, harana madung Hutobus ho, madung Hupio ho marhite goarmu, Au do nampuna ho.

JESAYA 56:4

Tu halak sisongon i didok Tuhan do, “Muda dipasangap ho do Au marhite na marningot Ari Sabat, muda setia do ho tu parjanjianKu jana dipatulus ho na pasonangkon rohangKu.

JEREMIA 10:16

Nada songon angka gana-ganaan i anggo Debata ni si Jakob; Ia do manompa sandok na adong. Tuhan Na Markuaso do goarNia; ditodo Ia do Israel gabe bangsoNa.

JEREMIA 13:11

Songon bobat abit na dialitkon gomos di gonting ni na mamakesa, songon i ma Hubaen pangalitkon ni halak Israel dohot Juda tu Au. Songon i ma dalanna halahi gabe bangsongKu na mambaen tarpuji jana marsangap goarKu. Hape nada ra halahi mangoloi Au.”

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

JEHESKIEL 16:8

Dung i mamolus ma Au sian i jana Huida ma ho, tutu, madung hatihana ho marhaposoon. Hupahembang ma abitKu tu ho laho mangulosi ho. Hubaen ma parjanjian dohot ho, songon i ma pandok ni Tuhan Debata, jana marhite na songon i Au ma nampuna ho.

HAMALIMON 20:24

Madung Hujanjihon bahaso tano na mora jana na napu i gabe hamu ma nampuna i, jadi lehenonKu ma i di hamu. Au do Tuhan Debatamu jana madung Hupaasing hamu sian angka bangso na asing i.

AMOS 3:2

“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”

AMOS 6:1

Marjaya ma hamu na sonang mangolu di Sion, dohot hamu na aman pangkilalaanna di Samaria – hamu angka panangian ni masarakat ni bangso Israel na godang on, hamu angka na somal ditopot-topot rayat.

MALEAKI 3:17

Didok Tuhan Na Markuaso i ma, “Jadi gabe bangsongKu ma halahi. Di ari na Hutontuhon i, gabe hasudungan ni rohangKu ma halahi jana Au nampunasa. Ibo ma rohangKu mida halahi, songon panghasiani ni ama-ama tu anakna na marpangoloion tuSia.

1 KORINTUS 10:26

Angke tarsurat do di Buku Na Badia i, “Tuhan do nampuna tano on dohot sude isina.”

1 KORINTUS 10:28

Tapi muda adong mandok tu hamu, “Anggo sipanganon on, na dung nihaulkon do on tu gana-ganaan,” ulang pangan hamu sipanganon i be hara ni haporluan ni halahi bope hara ni sora ni taroktok.

PANGARATAION 10:14

Tuhan Debatamunu do nampuna langit na partimbo, tano on pe Ia do nampunasa, maradu sude na adong di ginjangna.

PANGARATAION 11:27

Dipasupasu ma hamu muda dioloi hamu angka parenta ni Tuhan Debatamunu na hulehen di hamu di ari sadari on,

PANGARATAION 14:2

Bangso na badia do hamu di Tuhan Debatamunu; sian sandok bangso na di ginjang tano on, hamu do na nipili ni Tuhan gabe bangso hapunjunganNia.”

PANGARATAION 14:21

Bangke ni binatang nada tola panganonmunu. Tapi anggo halak na asing na maringanan di tonga-tongamunu tola do i panganonna jana tola muse do i gadisonmunu tu halak na asing. Bangso ni Tuhan do hamu antong, na marhapunjungan di Debata. Nada tola lompaon anak ni biri-biri dohot hambeng di bagasan susu ni indukna.”

PANGARATAION 26:18

Madung dijagit Tuhan hamu sadari on gabe bangsoNia sandiri, songon na nijanjihonNa i tu hamu, jana diparentahon Ia tu hamu anso oloanmunu sandok aturanNia i.

PANGARATAION 26:19

Baenon ni Tuhan dope hamu gumodang sian sasude bangso na asing na dung dijadihon Ia, jana pujion boti pasangaponna hamu. Gabe bangso ni Tuhan ma hamu, laing songon na nijanjihonNa i.”

PANGARATAION 28:1

“Muda dioloi ho Tuhan Debatamu, jana dihaburjuhon ho patuluskon sude parenta na hulehen tu ho di ari sadari on, jadi baenon ni Tuhan ma ho gabe bangso na gumodang sian sude bangso na asing di portibi on.

PANGARATAION 28:9

Muda dioloi ho Tuhan Debatamunu jana dipatulus ho sude parentaNia, baenonNa ma ho gabe bangsoNa sandiri, songon na nijanjihonNa i.

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

PANGARATAION 5:2

Dibaen Tuhan Debatanta do sada parjanjian di Dolok Sinai,

PANGARATAION 7:6

Baen hamu ma sudena i, dibaen bangso na badia di Tuhan Debatamu do hamu. Sian sasude bangso na di sisik ni tano on, hamu do na nipiliNia na gabe bangso hapunjunganNia.

PANGARATAION 9:29

Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.

IBRANI 8:9

Nada sarupa janji i tu janji na Hubaen dohot ompung ni halahi di na Hutogu halahi haruar sian Mesir. Nada togu ditiop halahi janji na Hubaen dohot halahi, hara ni i ma umbaen na so Hupardulihon halahi.

JOSUA 24:24

Dung i didok angka halahi ma tu si Josua, “Hum Tuhan Debatanta i do na giot oloannami. Sai oloannami ma angka parentaNia.”

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.