HARURUAR 19:24 - BIBEL JAMITA NA DENGGAN

²⁴ Dialusi Tuhan ma, “Manuat ma ho, jana ulahi ro tuson rap dohot si Harun. Tapi anggo angka malim dohot rayat i sudena, nada tola salpuanna batas i anso ro tu Au. Muda dilanggar halahi batas i, niuhuman ma halahi.”

HARURUAR 19:24 ပူးပေါင်းရင်းမြစ်များ

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

IBRANI 12:29

Angke songon api na mangabiskon do tutu anggo Debatanta i.

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

GALATIA 3:19

Anggo songon i do hape, aha do gunana nilehen Tona i? Anggo alus ni i, songon on do: Songon tamba-tamba do Tona i dilehen laho patuduhon tu jolma sanga aha na margoar dosa. Intap ni haroro ni sahalak sian pomparan ni si Abraham sajo do mardalan anggo Tona i, i ma na dipaboa hian di bagasan janji ni Debata tu si Abraham i. Na nipasahat ni angka surusuruan do Tona i tu jolma markite-hite sada halak.

SURAT NI SI PAULUS TU PARLAGUTAN ROM 4:15

Dibaen anggo Tona i manubuhon rimas ni roha; angke barang di dia nada adong Tona, nada adong disi pangalaosion.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

LUKAS 16:16

Olat ni si Johannes Pandidi laing margogo do Tona ni ugamo na nipasahat ni si Musa, dohot angka pangajaran na adong di buku ni angka panurirang. Mamungka sian i torus ma dijamitahon Jamita Na Denggan taringot tu Harajaan Ni Debata.

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

MATEUS 11:12

Sian na mamungka si Johannes marjamita lalu tu sadari on, matua dialo halak do Harajaan Ni Banua Ginjang i jana giot manggomgomisa.

HARURUAR 24:9

Dung i manangkok ma si Musa, si Harun, si Nadab, si Abihu dohot pamimpin ni halak Israel na pitu pulu halak i tu dolok i,

HARURUAR 24:1

Dung i didok Tuhan ma tu si Musa, “Nangkok ma hamu mandapotkon Au, ho rap dohot si Harun, si Nadab dohot si Abihu dohot pamimpin ni halak Israel na pitu pulu halak i. Jadi dompak dao dope hamu sian on, angkon marsomba do hamu.

HARURUAR 19:12

Baen ma batasna humaliang pat ni dolok on, tanda ni na so tola boluson ni bangso i. Baen ma larangan tu bangso i na so tola halahi manangkok tu dolok on, salang padonok-donokkon pe ulang. Sanga ise na manyalpui batas i, nimatehon do.

HARURUAR 19:25

Jadi manuat ma si Musa mandapotkon bangso i jana dipalalu ia ma na nitonahon ni Tuhan i tu halahi.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

1 JUJUR TAON 13:9

Dung lalu tu pardegean ni gandum nampuna ni si Kidon, targompang ma angka lombu na manarik padati i jana didungdung si Usa ma laho manahan Poti Parjanjian i anso ulang jabat madabu.