HARURUAR 19:20 - BIBEL JAMITA NA DENGGAN

²⁰ Mijur ma Tuhan di ambubu ni Dolok Sinai i jana dipiohon Ia ma si Musa anso ro tu puncut ni dolok i. Manangkok ma antong si Musa

HARURUAR 19:20 ပူးပေါင်းရင်းမြစ်များ

1 RAJA-RAJA 19:11

“Ruar ma ho sian liang i,” ninna Tuhan tusia, “Jana jongjong ma ho adop Au di ginjang ni dolok i.” Jadi mamolus ma Tuhan sian i mardongan alogo na gogo situtu jabat mangkabola angka tor i jana mangkatapor angka dolok batu i, tapi nada dipataridahon Tuhan diriNa di bagasan alogo i. Dung so alogo i, ro ma lalo, tapi nada dipataridahon Tuhan diriNa di bagasan lalo i.

NEHEMIA 9:13

Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 19:11

Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

HARURUAR 19:3

tapi anggo si Musa kehe ma ia manangkok tu dolok i laho marsuo dohot Debata. Pio-pio ma Tuhan sian dolok i tu si Musa jana disuru paboa ia ma tu halak Israel, pomparan ni si Jakob i:

HARURUAR 24:15

Jadi manangkok ma si Musa tu Dolok Sinai i, ro muse ma ombun manggupgupisa.

HARURUAR 24:18

Jadi torus ma si Musa manangkok lopus masuk ia tu bagasan ombun i. Disi ma ia opat pulu ari opat pulu borngin honokna.

HARURUAR 34:2

Markobas ma ho marayak manyogot jana manangkok ma ho manyogot i tu Dolok Sinai; jongjong ma ho disi adop Au di ambubu ni dolok i.

HARURUAR 34:4

Jadi dituhil si Musa ma dua lambar batu sarupa dohot batu na parjolo i; ngot ma ia sogot manyogot i jana manangkok ma ia tu ginjang ni Dolok Sinai songon na niparentahon ni Tuhan i tusia jana dioban ia ma di tangannia batu na dua i.

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

PANGARATAION 9:9

Manangkok au tu dolok i laho manjagit batu panyuratan ni parjanjian na nibaen ni Tuhan dohot hamu. Opat pulu ari opat pulu borngin lolotna au di ginjang dolok i nada mangan sanga minum.