HARURUAR 19:16 - BIBEL JAMITA NA DENGGAN

¹⁶ Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 19:16 ပူးပေါင်းရင်းမြစ်များ

2 SAMUEL 22:10

Mabola langit i dibaenSa lalu mijur Ia, marhite ombun di toru ni patNia.

JOB 38:25

Ise ma he na manghuar bondar di udan na por jana na mangalehen dalan tu ronggur dohot hilap?

MASMUR 50:3

Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

MASMUR 77:18

Hilap pe margurasai, ronggur pe mardotur tano pe mangalalo jana humutur.

MASMUR 81:8

Tangihon hamu ma sipaingotKu, ale bangsongKu, Israel, sugari na tutu hamu ra manangihon Au!

MASMUR 97:4

Ditorangi hilapNa i portibi on, humitir tano on marnidasa.

HARURUAR 19:11

Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

HARURUAR 19:15

Jana didok si Musa ma tu halahi, “Angkon hobas do hamu haduan jana ulang hamu marcampur sahatiha on.”

HARURUAR 19:17

Dioban si Musa ma halahi ruar sian bandar i anso marsuo dohot Debata; jadi marjongjongan ma halahi di pat ni dolokna i.

HARURUAR 19:9

Didokkon Tuhan ma tu si Musa, “Ro ma Au mandapotkon ho di bagasan ombun na hapal, anso dibege angka jolma i mandok hata Au tu ho, jana mamungka sian on, porsaya noma halahi tu ho.” Laing dipalalu si Musa muse ma antong alus ni bangso i,

HARURUAR 20:18

Disi dibege angka jolma i ronggur dohot sora ni sarune i jana diida halahi dohot hilap bope dolok na martimus i, humitir ma halahi mabiar jana mandao ma halahi jongjong.

HARURUAR 20:21

Tapi anggo angka jolma i laing mandao-dao do jongjong, jana hum sasada si Musa sajo do na mandonohi ombun na golap i di inganan parmianan ni Debata.

HARURUAR 40:34

Dung i mijur ma ombun manutupi Bandar Na Badia i jana digohi sinondang na marnyala sian haroro ni Tuhan ma Bandar Parmianan.

HARURUAR 9:23

Dung i diangkat si Musa ma tungkotnia tu langit, jana gabe diparo Tuhan ma ronggur dohot ambolas bope porkas manyoro tu tano. Diparo Tuhan,

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

NAHUM 1:3

Nada mopop muruk ni Tuhan; lobi do kuaso diSia jadi sanga ise na marsala nada dipalua Ia sian uhumanNia. Sanga na di dia Tuhan mardalan, disi do ro halingsungsung; jana abuan ni patNia do ombun.

MATEUS 24:31

Dipalu ma tarompet na godang, suruon ni Anak Ni Jolma i ma angka surusuruanNia tu panjuru na opat i di tano on palagutkon bangsoNia, sian topi ni langit na sada lalu tu topi ni langit na sada nari.”

PANGARATAION 5:5

Jongjong do au di hatiha i di antaramunu dohot Tuhan laho palaluhon tu hamu sanga aha na nidok ni Tuhan, angke mabiar do hamu tu api i jana nada ra hamu manganangkohi dolok i.

IBRANI 12:21

Sanga aha na niida ni halak Israel i, i noma sogenna jabat didok si Musa, “Mabiar do au jana humitir!”

HALUMBAAN 1:10

Di ari ni Tuhan i, digohi Tondi Parbadia do au, dung i hubege ma sada sora na gogo – songon sora ni sarune – mandok hata sian pudingku.

HALUMBAAN 11:19

Gabe marbuka ma Bagas Na Badia ni Debata di banua ginjang jana tarida ma poti inganan ni surat parjanjian na di bagasan Bagas Na Badia i. Manigor ro ma hilap na sumiksak dohot sora ni ronggur na mangkutur jana na matuoror. Ro ma lalo jana madabu ma ambolas na lobi por.

HALUMBAAN 4:1

Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”

HALUMBAAN 4:5

Mangaronggur ma habangsa i jana marsinondang songon sinondang ni hilap na marnyala-nyala. Jana adong muse do pitu lampu na gara di jolo ni habangsa i; i ma Tondi Parbadia na pitu i.

HALUMBAAN 8:5

Dung i dibuat surusuruan i ma pardupaan i jana dibaen ia ma banggar na gara tusi sian meja parkaulan i, didanggurkon ia ma i tu tano on. Mangkuling ma ronggur, ro ma hilap na sumiksak jana ro ma lalo.