HARURUAR 19:14 - BIBEL JAMITA NA DENGGAN

¹⁴ Dung i manuat ma si Musa sian dolok i, jana ditonahon ia ma tu bangso i anso marhobas laho maribadat. Marsibasu pakeanna ma halahi.

HARURUAR 19:14 ပူးပေါင်းရင်းမြစ်များ

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

1 JUJUR TAON 15:12

Didok si Daud ma tu halahi, “Hamu do pamimpin ni angka halak Levi marhorong-horong. Jadi hara ni i, jolo paias hamu ma dirimunu rap dohot halak Levi na deba nari anso tarbaen hamu paimbarkon Poti Parjanjian ni Tuhan, Debata ni Israel i, tu inganan na huparade i.

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

HARURUAR 19:13

Angkon nidangguran do halakna i dohot batu sanga nisior, sahalak pe nada tola manjamasa. Tu jolma dohot tu pahan-pahanan do na nidok on, angkon nimatehon sude. Dung dipalu sarune, baru pe anso tola bangso i manangkok tu dolok.”

HARURUAR 19:15

Jana didok si Musa ma tu halahi, “Angkon hobas do hamu haduan jana ulang hamu marcampur sahatiha on.”

1 SAMUEL 21:5

Dialusi si Daud ma, “Tontu nada adong songon i dikarejohon halahi. Sai tongtong do muda markarejo hami, dijago paranganki do anso ias halahi, nian hum karejo na somal sajo do i; mur ma karejo na marhadohoan songon on!”