HARURUAR 19:13 - BIBEL JAMITA NA DENGGAN

¹³ Angkon nidangguran do halakna i dohot batu sanga nisior, sahalak pe nada tola manjamasa. Tu jolma dohot tu pahan-pahanan do na nidok on, angkon nimatehon sude. Dung dipalu sarune, baru pe anso tola bangso i manangkok tu dolok.”

HARURUAR 19:13 ပူးပေါင်းရင်းမြစ်များ

HARURUAR 19:14

Dung i manuat ma si Musa sian dolok i, jana ditonahon ia ma tu bangso i anso marhobas laho maribadat. Marsibasu pakeanna ma halahi.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 19:17

Dioban si Musa ma halahi ruar sian bandar i anso marsuo dohot Debata; jadi marjongjongan ma halahi di pat ni dolokna i.

HARURUAR 19:19

Mur manggogo muse ma sora ni sarune i. Mandok hata ma si Musa, jana dialusi Debata ma dohot ronggur.

HARURUAR 34:3

Tapi ulang ho mardongan sahalak pe manangkok tusi jana ulang adong sahalak pe na tarida di dolok i sude, salang hambeng biri-biri pe dohot lombu nada tola manjampal humaliang dolok i.”

1 KORINTUS 15:52

Di bagasan sangkidop mata do i sudena tarjadi, di na nipalu sarune na parpudi situtu. Angke dung tarbege sora ni sarune i, pangoluon ma mangulahi angka jolma na mate i marpamatang na manongtong jana paubaon ma hita sudena.

1 TESSALONIKA 4:16

Saulahon di na mijur Tuhan Jesus sandiri sian banua ginjang, pio-pio ma kapala ni surusuruan i marsora na gogo jana dipalu ma sarune ni Debata songon boa-boana. Jadi angka halak na dung porsaya tu Kristus dompak di ngoluna be, pangoluon ma halahi parjolo.

IBRANI 12:20

Angke nada tahan halahi pabege-bege parenta na nipalalu ni sora i. Angke didok sora i do, “Sasudena na mandonohi dolok on, nada marimbar sanga na binatang sanga na ise pe tehe, angkon dangguran do dohot batu lopus mate.”

HAKIM-HAKIM 20:37

Diompoti angka na martabuni i ma masuk mangaroro tu Gibea; manyarsar ma halahi sap di kota i jana dibunu halahi ma sude jolma na disi.