HARURUAR 19:11 - BIBEL JAMITA NA DENGGAN

¹¹ Haduan, angkon hobas ma halahi sude. Di ari i ma Au mijur di ginjang ni Dolok Sinai, anso disi tarbaen halahi sude marnida Au.

HARURUAR 19:11 ပူးပေါင်းရင်းမြစ်များ

PAMUNGKAAN 11:5

Jadi mijur ma Tuhan laho mangaligi kota dohot tugu na nipajongjong ni jolma i.

NEHEMIA 9:13

Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

MASMUR 144:5

Ale Tuhan, buka ma langitMi jana mijur ma Ho, goit ma angka dolok i anso martimus.

MASMUR 18:9

Dibola Ia langit dung i mijur ma Ia, dohot ombun na golap di toru ni patNa.

HARURUAR 19:16

Di ari patoluhon, ro ma ronggur dohot hilap. Tarida ma ombun na hapal di ginjang ni dolok i jana habegean ma sora ni sarune na lobi gogo. Humitir ma sude halak na di bandar hara ni biarna.

HARURUAR 19:18

Ditutupi timus ma sudena Dolok Sinai i, angke madung mijur Tuhan tu ginjangna i songon api tompana. Martimbual ma timus idaon songon timus sian tataring, jana humutur ma dolok i gogo sajo.

HARURUAR 19:20

Mijur ma Tuhan di ambubu ni Dolok Sinai i jana dipiohon Ia ma si Musa anso ro tu puncut ni dolok i. Manangkok ma antong si Musa

HARURUAR 24:16

Mijur muse ma sinondang na manyirlak sian hamianan ni Tuhan tu ginjang ni dolok i. Songon api na gara do diida halak Israel sinondang i di ginjang dolok i. Ditutupi ombun do dolok i onom ari lolotna. Di ari papituhon, pio-pio ma Tuhan sian ombun i tu si Musa.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

HARURUAR 34:2

Markobas ma ho marayak manyogot jana manangkok ma ho manyogot i tu Dolok Sinai; jongjong ma ho disi adop Au di ambubu ni dolok i.

HARURUAR 34:5

Mijur ma Tuhan di bagasan ombun, lalu jongjong di jolo ni si Musa jana digoari Ia ma goarNia na badia i, i ma Tuhan.

BILANGAN 11:17

Mijur pe Au jana manghatai dohot ho di inganan i, buatonKu ma saotik Tondi na Hulehen di ho anso Hulehen di halahi. Dung i tarbaen ma halahi mangurupi ho martanggung jawab hara ni bangso i, gabe nada hum ho sandiri be mamorsan i.

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

PANGARATAION 4:10

taringot tu ari i di na jongjong hamu di adopan ni haroan ni Tuhan Debatamunu di Dolok Sinai. Didok Ia do di hatiha i tu au, ‘Palagut ma bangso i. GiotKu anso ditangihon hamu sanga aha na giot sidokkononKu, anso marsiajar halahi marpangoloion tu Au sapanjang mangolu halahi jana anso diajari halahi angka dakdanak ni halahi marpangoloion tu Au.’

JOSUA 3:5

Didok si Josua ma tu halak Israel, “Paias hamu ma dirimunu, angke ancogot baenon ni Tuhan ma hahomangan di tonga-tongamunu.”