HARURUAR 18:8 - BIBEL JAMITA NA DENGGAN

⁸ Dicaritohon si Musa ma sude tu si Jetro sanga na aha na nibaen ni Tuhan maradopkon raja Mesir dohot bangsona i laho paluahon halak Mesir. Laing dicaritohon ia ma dohot hamaolon na niadopan ni bangso i di tonga dalan, jana songon dia dibaen Tuhan paluahon halahi.

HARURUAR 18:8 ပူးပေါင်းရင်းမြစ်များ

PAMUNGKAAN 44:34

Bia ma he pambaenku mulak tu amanta hami anggo so dohot do anak i rap mulak dohot au? Nanggo tahan au paligi-ligi sitaonon i songgop tu damang i.”

NEHEMIA 9:32

O Debata, Debatanami na gogo! Debata na godang jana na jorbut! Sai na setia do Ho maniop sumpa dohot janji, digohi Ho do sandok janjiMu jana dipatulus Ho do i. Mamungka sian na nipisat ni raja Asur hami, lopus saonnari, ma bahat pardangolan hami alami. Angka raja, malim, panurirang maradu hatobangonnaMi, bope ompu dohot rayat madung sude manaonkon i. Ulang halupahon sude na hancit i! Ulang nian agohon i sian parningotanMi!

MASMUR 106:10

Gabe malua ma halahi sian tangan ni musuna, sian tangan ni alona, halahi dipalua.

MASMUR 106:8

Tapi hombar tu janjiMu, dipalua Ho do halahi, anso mur tangkas haidaan sahalaMi.

MASMUR 107:2

Dokkon ma songon i marpupu, ale hamu angka na dung dipalua sian hasusaan.

MASMUR 66:16

Ro ma, jana tangihon hamu ma, o sude hamu na burju, paboaonku ma pambaenan ni Debata tu au.

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 15:16

Biar dohot sursar mandondoni halahi; O Tuhan, paida-ida gogoMi, jana umpe margogo be jongjong hara ni na humitir halahi lopus mamolus bangsoMi – bangso na nipaluaMu sian parhatobanan i.

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

HARURUAR 18:1

Tarbege ma tu si Jetro tulang ni si Musa, malim na di Midian i na nibaen ni Debata di si Musa bope di bangso Israel di na nipimpinNia halahi ruar sian Mesir.

HARURUAR 2:25

Diida Ia do halak Israel diparhatoban, gabe diparate-atehon Ia ma bagian ni halahi.

HARURUAR 23:23

Joloanan ni surusuruanKi ma hamu jana obanonnia hamu tu luat ni halak Amori, halak Het, halak Peris, halak Kanaan, halak Hewi dohot halak Jebus, jana haromkononKu ma halahi sude.

HARURUAR 4:23

jana madung Huparentahon tu ho, laho paloaskon kehe anakKi anso tarbaen halahi mangoloi Au, hape nada dioloi ho. Hara ni i bunuonKu ma anakmu siangkaan i.’ ”

HARURUAR 7:4

Hara ni i ma angkon uhumanKu Mesir dohot angka uhum na dokdok, dung i obanonKu ma bangso Israel bangsongKi haruar sian luat i.

HARURUAR 7:5

Dung i botoon ni halak Mesir i ma bahaso Au do Tuhan, di hatiha Huuhumi halahi jana Huoban Israel haruar sian luat ni halahi.”

BILANGAN 20:14

Disuru si Musa ma angka suruanna sian Kades manopot raja ni Edom. Ninna halahi ma, “On ma barita na hami oban sian halak Israel kahanggi ni raja i. Diboto raja i do angka hasusaan na hami taon.