HARURUAR 18:7 - BIBEL JAMITA NA DENGGAN

⁷ Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

HARURUAR 18:7 ပူးပေါင်းရင်းမြစ်များ

PAMUNGKAAN 14:17

Di na mulak si Abram dung ditaluhon ia Raja Kedorlaomer dohot angka raja na asing i, ruar ma raja Sodom sian luatnia laho mangalo-alo si Abram di Rura Siawe (na nigoaran muse Rura Raja).

PAMUNGKAAN 18:2

Di na nipadorgaknia ulunia, diida ia ma adong tolu halak jongjong di jolonia. Disi diida si Abraham halahi, marlojong ma ia laho mangalo-alo halahi.

PAMUNGKAAN 19:1

Di na lalu surusuruan sidua halak na marsuo dohot si Abraham sinangkinan i di Sodom borngin i, topet ma hatiha juguk si Lot di horbangan ni kota i. Disi diida ia halahi manigor jongjong ma ia mangalo-alo. Manungkap ma ia di jolo ni halahi,

PAMUNGKAAN 29:13

Jadi di na nibege ni si Laban barita ni si Jakob baberenia i, marlojong ma ia mandapotkonsa. Dihaol si Laban ma si Jakob lalu diummai ia, jana dioban ia ma masuk tu bagas. Dung abis dicaritohon si Jakob sude na tarjadi i tu si Laban,

PAMUNGKAAN 31:28

Hape hum dipaummahon ho pe tu au nada pahompungki tanda ni parsirangan. Haotoan do na nibaenmi!

PAMUNGKAAN 43:26

Dung lalu si Josep tu bagas, dioban halahi ma angka silua i tu bagasan jana marsomba ma halahi tu si Josep laho pasahatkonsa.

PAMUNGKAAN 45:15

Dung i tangis dope ia, dihaol ia ma sude angkangnia i jana diummai ia. Dung i baru ma manghata-hatai halahi dohot ia.

PAMUNGKAAN 46:29

ditengget si Josep ma karetania tu Gosen laho mangalo-alo amangnia. Di na marsuo halahi, dihaol si Josep ma amangnia i, tangis ma ia lolot.

2 SAMUEL 11:7

Di na ro si Uria mangadop tu si Daud, disapai raja i ma tusia sanga na horas do si Joab dohot pasukan ni Israel, dohot sanga songon dia pardalan ni porang i.

1 RAJA-RAJA 2:19

Dung i kehe ma si Batseba giot mangkatai dohot raja i hara ni si Adonia. Jongjong ma raja i mangalo-alo inangnia lalu dipaunduk ia laho mamparsangapi, dung i juguk ma ia tu habangsania. Disuru ia ma na pasingkop karosi di siamunnia juguhan ni inangnia.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

HARURUAR 18:6

Jolo ditonahon ia hian do, “Ro do hami, tulangmu, dadaborumu dohot anakmu na dua i.”

HARURUAR 33:7

Dung i dibuat si Musa ma bandar i jana dipahirbang ia ma dao di ruar ni parbandaran i jana digoari ia ma i Bandar Parmianan Ni Tuhan. Sanga ise halak na manjalahi Tuhan, ro ma ia tu Bandar Parmianan Ni Tuhan na di ruar ni parbandaran i.

HARURUAR 4:27

Di hatiha i didok Debata ma tu si Harun, “Kehe ma ho tu halongonan anso marsuo ho dohot si Musa.” Dung i kehe ma si Harun mandapotkon angginia i di dolok na badia. Di na marsuo i halahi diumma si Harun ma si Musa.

BILANGAN 22:36

Dung dibege si Balak na ro si Bileam, kehe ma ia mangalo-alo si Bileam tu kota ni halak Moab, sada kota di topi ni Batang aek Arnon di parbalohan ni Luat Moab.

LUKAS 7:45

Nada diumma ho Au, hape anggo anak boru on nada maradian ia mangummai patKu dung do ro Au tuson.

BAENON NI ANGKA RASUL 20:37

Martangisan ma halahi sude, dihaol halahi ma si Paulus jana diummai halahi laho paborhatkon ia.

BAENON NI ANGKA RASUL 28:15

Tarboto ma tu angka dongan na porsaya tu Jesus na di Rom; gabe marroan ma halahi lalu tu Pasar Apius dohot tu Pasanggarahan Na Tolu mangalo-alo hami. Dung marsuo halahi dohot si Paulus di Rom, didok ia ma tarimakasi tu Debata jana sabam ma rohania.

HAKIM-HAKIM 11:34

Di na mulak si Jefta tu Mispa, ro ma borunia mangalo-alo ia manortor lalu mamake rapano. Sasada i do dakdanaknia.

1 SAMUEL 17:18

Laing oban muse ma sampulu rantang dadi ni lombu on di pamimpin ni parangan i. Sapai ma sanga na bia do angkangmu disi, jana oban ma tanda di au paboa na dung marsuo ho dohot halahi dohot tanda na horas halahi.

1 SAMUEL 17:22

Dung i dipasimpankon si Daud ma na niobannia i tu panjago barang-barang ni tentara i jana dilojong ia ma tu galanggang ni porang i laho mandapotkon angka angkangnia i jana disapai ma sanga na horas halahi.