HARURUAR 18:4 - BIBEL JAMITA NA DENGGAN

⁴ anaknia na paduahon i dibaen ia goarna si Elieser, harana didok si Musa, “Madung diurupi Debata ni daompung au jana dipalua Ia au, gabe nada dibunu raja ni Mesir au.”

HARURUAR 18:4 ပူးပေါင်းရင်းမြစ်များ

PAMUNGKAAN 49:25

Debata ni amangmu ma mangurupi ho, Na Gumogo i ma mamasumasu ho marhite pasupasu sian langit na di ginjang dohot pasupasu sian aek na di toru ni tano, marhite anak dohot pahan-pahanan.

1 JUJUR TAON 23:15

Dua anak ni si Musa, i ma si Gersom dohot si Elieser.

1 JUJUR TAON 23:17

Si Elieser hum sada do anaknia, si Rehabia goarna. Anggo si Rehabia bahat sajo do anaknia.

MASMUR 18:1

Tuhan, Ho do haholongan ni rohangku, Ho do haroroan ni hagogoan di au.

MASMUR 18:48

Dipalua au sian halak na jahat dohot sian musu jana dilehen hamonangan maradopkon alongku.

MASMUR 34:4

Martangiang au, gabe dialusi Tuhan, dipalua Ia do au sian sandok sihabiaran.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

HARURUAR 10:28

Ninna raja i ma tu si Musa, “Morot ho sian jolongku, ulang jabat huida be ho. Muda marsuo dope hita, mate ma ho!”

HARURUAR 2:15

Dung tarbege tu raja na masa i, dijalahi ia ma dalan laho mamunu si Musa. Gabe lintun ma si Musa jana maringanan di Luat Midian ma ia. Malim sian Midian margoar si Jetro, pitu do borunia. Di na sadari, hatiha juguk si Musa di lambung ni sada sumur, ro ma bujing-bujing na pitu i; giot manimba aek mangisi panginuman ni habanan ni hambeng dohot biri-biri ni amang ni halahi.

HARURUAR 2:22

Dung i ditubuhon si Zipora ma sada anak halaklahi. Dibaen ma goar ni dakdanak i si Gersom, angke ninna roha ni si Musa di bagasan, “Halak na leban do au dison.”

HARURUAR 4:20

Dung i dialap si Musa ma dadaborunia dohot angka anaknia jana dipajuguk ia tu halode asa kehe ma halahi tu Mesir jana maroban tungkot na nidok ni Debata obanonnia.

DANIEL 6:22

Dung i ninna si Daniel ma mangalusi raja i, “Sai ginjang ma umur ni raja i salolot-lolotna!

BAENON NI ANGKA RASUL 12:11

Dung i pe anso tarhalak si Petrus jana diboto ia ma aha na tarjadi i tusia, gabe didok ia ma, “Saonnari pe anso tangkas huboto na tutu situtu do hape ditongos Tuhan i surusuruanNia paluahon au sian kuaso ni Raja Herodes dohot sian sasude na giot baenon ni halak Jahudi i tu au.”

BAENON NI ANGKA RASUL 7:29

Dung dibege si Musa na nidok ni bayo i, lari ma ia sian Mesir lalu tu Midian jana disi noma ia maringanan. Dua ma anaknia na sorang disi.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

IBRANI 11:34

Diintopi halahi do api na godang. Malua do halahi marlojong sian baba ni podang. Gale do nian halahi, tapi gabe margogo; mur margogo dope tehe di parporangan, lopus tartaluhon halahi angka parangan ni bangso na asing.

IBRANI 13:6

Hara ni i gabe puluk ma hita mandok, “Tuhan do Pangurupi di au, nada mabiar au. Aha ma he na tarbaen jolma tu au lakna?”