HARURUAR 18:21 - BIBEL JAMITA NA DENGGAN

²¹ Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

HARURUAR 18:21 ပူးပေါင်းရင်းမြစ်များ

PAMUNGKAAN 22:12

“Ulang palalu tanganmu tu dakdanak i sanga dihahua ho ia,” ninna surusuruan i. “Saonnari madung huboto sangapmu dohot pangoloimu tu Debata, angke nada manjua ho pasahat anakmu sisada-sada i tu Debata.”

PAMUNGKAAN 42:18

Di ari patoluhon didok si Josep ma tu halahi, “Na burju do au mangoloi Debata, jana paluaonku do hosamunu dohot sada sarat.

PAMUNGKAAN 47:6

jadi dohot ma halahi nampuna tano Mesir on. Padiar ma da maringanan di Luat Gosen halahi, on ma lunggu-lunggu na dumenggan di luat on. Jana betak sai adong sian halahi angka na malo, baen ma halahi gabe pangurus ni pahan-pahananku.”

2 SAMUEL 18:1

Dipalagut Raja Daud ma sude parangannia, dibagi-bagi ia ma marturpuk-turpuk, adong na saribu halak jana adong na saratus halak. Dung i diangkat ia ma komandanna ganop turpuk.

2 SAMUEL 23:3

Madung mangkuling Debata ni Israel; didok pangondian ni Israel do tu au: “Muda sahalak jolma mamarenta rayatna mardongan hatigoran na mamimpin mardongan pangoloion tu Tuhan.

1 RAJA-RAJA 18:12

Muda kehe au sian on, mungkin do obanon ni Tondi Ni Tuhan amang tu inganan na so huboto! Jana muda hupaboa tu si Ahab na dison amang, hape nada marsuo ia tu amang, tontu bunuonnia ma au, haru pe na marsitutu au na maribadat i tu Tuhan sian na menek.

1 RAJA-RAJA 18:3

Jadi gabe dipiohon si Ahab ma anso ro si Obaja mangadop. (Sirajai arta di bagas ni raja do anggo si Obaja. Halak na burju do ia jana na ringgas marsomba tu Tuhan.

ESRA 7:25

Ale Esra, pake ma habisuhon na nilehen ni Debata tu ho, jana angkat ma angka pamimpin dohot angka panguhum laho mamarenta sude halak na di propinsi Efrat Hasundutan na mangihutkon Uhum Ni Debatamu di ngoluna. Sai ajarkon ma antong Uhum i tu sude halak na so umbotosa dope.

NEHEMIA 5:9

Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.

NEHEMIA 7:2

Hupasahat ma na mamarenta kota Jerusalem tu anggingku si Hanani dohot tu si Hananya komandan ni benteng, harana sumurung do ia sian halak na asing, mabiar do ia tu Tuhan boti haposan ni roha.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

JOB 29:16

Gabe ama do au di halak na pogos; di halak paisolat, au ma gabe pangondian.

JOB 31:13

Di na humolos naposongku hara ni na sala hubaen tu haknia, hutangihon do i jana hubaen na patut sian ias ni roha.

MASMUR 15:1

Tuhan, ise ma na tarbaen manompang di bagasan undung-undungMu, jana ise tarbaen marsomba di dolok ingananMu?

MASMUR 15:5

jana painjamkon hepeng so marbunga; na so giot manjagit hepeng suap laho mangarugi i halak na so marsala. Halak na mambaen songon i tongtong sonang nada adong manyusai.

HARURUAR 17:9

Didok si Musa ma tu si Josua, “Pilii ma jolo sanga na piga-piga halak anso kehe marporang mangalo halak Amalek ancogot. Anggo au, jongjong di puncut ni dolok do maniop tungkot na nisuru oban ni Tuhan tu au.”

HARURUAR 18:25

dipili ia ma halak na malo marroha sian bangso Israel. Ditontuhon ia ma sian halahi na gabe pamimpin ni na saribu halak, deba tu saratus halak, deba tu lima pulu halak, jana adong tu na sampulu halak.

PODA 28:2

Marpupu margonti do raja ni bangso pardosa; sai hot do marbungaran anggo bangso na marraja na marroha.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

JESAYA 16:5

Dung i gabe raja ma sada sian pomparan ni si Daud, jana parentaonnia ma bangsonia marhite holong dohot burju ni rohana. Pajongjongonnia ma hatigoran jana ompotannia noma mambaen tindakan laho mambaen na tigor.)

JESAYA 33:15

Tarbaen hamu do martahan disi muda tigor hamu mandok hata jana dibaen hamu na denggan. Ulang pake hamu kuasomunu laho manggabusi halak na pogos, jana ulang jagit hamu hepeng sogok, ulang dohot-dohotan hamu tu halak na mambaen sangkap mamunu jolma sanga mambaen hajahatan na asing.

JESAYA 59:4

Nada adong na mangajuhon parkaro na maralasan na tutu, jana nada adong na manguhumi, dohot alasan na togu. Halak na mangasahon na so hasaya dohot gabus, halak na adong mara dohot manubuhon hajahatan.

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

JEHESKIEL 18:8

Nada jungada pasalihon ia mardongan bunga. Nada ra ia mambaen hajahatan, jana di bagasan sude parsalisian dibaen ia do haputusan na tigor.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

ZAKARIA 7:9

“Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.

ZAKARIA 8:16

On ma angka parenta sidalankononmunu: Muda mandok hata, dok hamu ma na tutu tu donganmunu. Baen hamu ma haputusan na tigor na padumpangkon dame.

BILANGAN 1:4

Sian ganop marga pangido ma sahalak gabe kapala ni marga i laho mangurupi hamu.”

BILANGAN 10:4

Tapi muda hum sada sarune sajo do diombus, mandok anso hum pamimpin ni angka marga i marlagut humaliang ho.

LUKAS 18:2

Ninna Jesus ma, “Di sada kota adong ma sada panguhum na so mabiar mida Debata, jana na so mangargahon jolma.

LUKAS 18:4

Tarhonok do inda ra panguhum i manolong na mabalu i. Tapi ujungna didok panguhum i ma di bagasan rohania, ‘Haru so mabiar pe au tu Debata jana inda huargahon jolma,

BAENON NI ANGKA RASUL 20:33

Nada jungada dipangido rohangku hepeng bope pakean sanga na sian ise pe.

BAENON NI ANGKA RASUL 6:3

Hara ni i, hamu ale angka dongan, pili hamu ma sian tonga-tongamunu sandiri pitu halak na tangkas burju jana na nigohan ni Tondi boti na bisuk, anso hami pabangkit halahi tu karejo na songon i.

PANGARATAION 22:18

Jadi angkon pioon ni hatobangon ni kota i ma halaklahina i jana balbalon ni halahi ma ia.

1 TIMOTEUS 3:3

ulang parmabuk sanga na parbada. Tapi angkon halak na lambok do jana pardame. Ulang halak na sai mangarohahon hepeng.

JOSUA 22:14

Laing dohot muse do sampulu halak angka pamimpin ni bangso Israel mandongani si Pinehas – sahalak sian ganop marga na di Hasundutan ni Batang aek Jordan – i ma kapala ripe sian angka marga ni halahi.

1 SAMUEL 8:12

Deba ma i angkatonna gabe pamimpin tu saribu halak, jana na asing i tu lima pulu halak. Paksaon ni raja ma angka dakdanakmunu mamangkur ladangna, palagutkon suhana, mambaen angka sinjatana dohot parkokas ni karetana.

1 SAMUEL 8:3

Tapi nada diihutkon halahi pangalaho ni amang ni halahi, hum hauntungan tu dirina sajo do na dipikirkon ni halahi. Manjagit hepeng sogok do halahi jana nada tigor dibaen halahi mamutuskon angka parkaro.