HARURUAR 18:19 - BIBEL JAMITA NA DENGGAN

¹⁹ Antong, ihutkon ma sipaingotkon, gabe donganan ni Debata do ho. Tutu nian, na denggan do mangwakili bangso on di jolo ni Debata dohot na pasahatkon parsoalan ni halahi tusia.

HARURUAR 18:19 ပူးပေါင်းရင်းမြစ်များ

PAMUNGKAAN 39:2

Didongani Tuhan do si Josep, gabe sai manjadi do sude karejonia. Di bagas ni tuannia i do ia tinggal, i ma halak Mesir i.

2 SAMUEL 14:17

Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

HARURUAR 18:15

Dialusi si Musa ma, “Angkon songon i do baenonku, harana tu au do marroan angka halak na giot umboto lomo ni roha ni Debata.

HARURUAR 18:20

Angkon ajarkononmu do tu halahi angka na niparentahon ni Debata jana angkon patorangonmu muse pardalan ni ngolu na denggan maradu tu na patut angkon baenon ni halahi.

HARURUAR 18:24

Jadi laing dipatulus si Musa ma sipaingot na nidok ni si Jetro i,

HARURUAR 20:19

Didok halahi ma tu si Musa, “Ho sajo ma mandok hata tu hami, hami bege pe; tapi ulang ma Debata na mandok hata tu hami, naron gabe mate hami.”

HARURUAR 3:12

Dialusi Debata ma, “Hudongani pe ho, jana dung dioban ho bangso i haruar sian Mesir, angkon oloanmunu ma Au di dolok on. I ma buktina, paboa Au do marsuru ho.”

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

HARURUAR 4:16

Angkon songon gonti ni goarmu do ia mandok hata tu rayat i. Ia ma na palalu hatamu, jana ho ma gabe songon Debata laho mandokkon sanga aha na giot dohononna.

PODA 9:9

Muda dipaingot ho halak na marroha, mur marbisuk muse ma ia. Jana muda halak na burju mangoloi Debata diajari ho, mur martamba ma parbinotoannia.

BILANGAN 27:5

Dung i dipabolkas si Musa ma pangalaho i tu Tuhan,

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

PANGARATAION 20:1

“Muda kehe hamu marporang mangalo angka musumunu, ulang hamu mabiar mida kareta dohot kudo ni halahi na bahat bope na umbahat bilanganna sian hamu. Tuhan Debatamunu do paluahon hamu sian Mesir, laing Ia do mandongani hamu.

PANGARATAION 5:5

Jongjong do au di hatiha i di antaramunu dohot Tuhan laho palaluhon tu hamu sanga aha na nidok ni Tuhan, angke mabiar do hamu tu api i jana nada ra hamu manganangkohi dolok i.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”