HARURUAR 18:16 - BIBEL JAMITA NA DENGGAN

¹⁶ Muda adong hagaoran di halahi, mangadop ma i tu au anso huputuskon sanga ise na tigor, jana hupaboa ma tu halahi angka parenta dohot aturan-aturan ni Debata.”

HARURUAR 18:16 ပူးပေါင်းရင်းမြစ်များ

2 SAMUEL 15:3

gabe didok si Absalom ma, “Sapanjang uhum, tigor do nian ho, tapi bia ma baenon, nada adong wakil ni raja i na laho manangihon parkaromu.”

2 JUJUR TAON 19:10

Muda adong sian angka donganmunu na pasahatkon tu hamu sian kota na asing sada parkaro na mamunu jolma, na mangalanggar uhum sanga na mangalanggar parenta ni Tuhan, ulang so lehenonmunu panogu-noguon tu halahi. Jadi muda songon i do, nada marsala be halahi tu Tuhan, jana nada muruk be Tuhan tu hamu bope tu halahi. Patulus hamu ma parenta on, jadi nada marsala be hamu disi.

JOB 31:13

Di na humolos naposongku hara ni na sala hubaen tu haknia, hutangihon do i jana hubaen na patut sian ias ni roha.

HARURUAR 18:17

Jadi didok si Jetro ma, “Nanggo denggan songon na binaenmi.

HARURUAR 2:13

Ancogotna i ro muse ma si Musa, diida ia ma dua halak Ibrani topet marbadai. “Biasi dipukul ho dongan sabangsomu?” ninna si Musa tu halak na marsala i.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

HARURUAR 24:14

Didok si Musa ma tu angka pamimpin ni halak Israel i, “Painte hamu ma di inganan parbandaran on lopus mulak hami. Dison do si Harun dohot si Hur donganmunu. Sanga ise na adong parsoalanna, mangadop ma tu halahi anso adong hasidunganna.”

HAMALIMON 24:15

Dung i paboa ma tu bangso Israel, sanga ise na mamurai Debata angkon taononnia parangenia i

BILANGAN 15:35

Didok Tuhan ma tu si Musa, “Angkon mate uhumon do bayo i, nioban ma ia tu balian ni parbandaran i.”

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

1 KORINTUS 6:1

Biasi adong sian hamu na puluk mandapotkon panguhum na so porsaya tu Tuhan mangaduhon donganna sahaporsayaan muda marbadai hamu dohot donganmunu i? Biasi inda dipangido ia anso angka halak na badia manyalosehon parkaro i?

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

PANGARATAION 6:1

“Tuhan Debatamunu i do marsuru au mangajarkon sude aturan on tu hamu. Oloi hamu ma sudena i di tano na giot siingananmunu di na so pola lolot be.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.