HARURUAR 18:12 - BIBEL JAMITA NA DENGGAN

¹² Dung i dioban si Jetro ma sanga na piga haul situtungon dohot haul sisambolon songon somba-sombania tu Debata. Ro do si Harun rap dohot sude pamimpin ni halak Israel i tu parjamuan i lalu mangankon panganon na badia i dohot si Jetro di jolo ni Debata.

HARURUAR 18:12 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 26:25

Dung i dipajongjong si Ishak ma langgatan disi jana disomba ia ma Tuhan. Disi ma ia mambaen bandar jana dihuar angka hatobannia ma sumur na asing.

PAMUNGKAAN 26:30

Dung i dibaen si Ishak ma pesta manjamu halahi, jadi mangan minum ma halahi.

PAMUNGKAAN 31:54

Disambol ia ma sada pahan-pahanan jana dihaulkon ia ma gabe songon haul na nitutung di ginjang ni dolok i. Diontang ia muse ma angka halaknia rap mangan. Dung abis mangan, marborngin di dolok i ma halahi.

PAMUNGKAAN 4:4

Dibuat si Abel ma sada anak ni biri-biri siangkaan sian saparinaan; disambol ia ma i, lalu dihaulkon ia ma goar-goaranna na dumenggan sian i tu Tuhan. Jop ma roha ni Tuhan mida si Abel dohot na nihaulkonnia i,

PAMUNGKAAN 43:25

Dung i diparade halahi ma silua ni halahi i na giot pasahaton tu si Josep muda ro ia arian i, harana madung dipaboa hian tu halahi, na giot rap halahi mangan arian dohot ia.

PAMUNGKAAN 8:20

Dipajongjong si Noak ma sada langgatan di Tuhan, dibuat ia ma sada binatang dohot unggas na so haram sian ganop horong, ditutung ia ma i himpal-himpal songon haul somba-somba di ginjang ni langgatan.

2 SAMUEL 9:7

Didok si Daud ma, “Ulang mabiar ho. Haburjuon do na giot baenonku tu ho marningot si Jonatan, amangmi. Hupaulak ma tu ho sude tano ni ompungmu si Saul, jana mangan di bagas godang noma ho torus.”

2 JUJUR TAON 30:22

Malo-malo do antong angka halak Levi i mamimpin ibadat tu Tuhan, jabat do dipuji si Hiskia halahi. Dung adong pitu ari lolotna halahi na manghaulkon haul i dohot na mandok tarimakasi i tu Tuhan, Debata ni ompu ni halahi,

JOB 1:5

Ganop abis pesta, sai sigop do ngot si Job jana dihaulkon ia ma haul salaho tu angka anaknia i anso disesa Tuhan dosa ni halahi. Harana didok rohania betak na dung mardosa do angka dakdanaknia i jana pabilehon Debata sian na so pamotoanna.

JOB 42:11

Marroan ma manopot si Job sude angkangnia dohot ibotonia maradu ale-alenia sude di hatiha na salpu, lalu rap marpesta ma halahi di bagasnia. Dipaboa halahi ma na dohot halahi marsak hara ni sude hasusaan na niparo ni Tuhan tusia jana diapoi halahi ma ia. Marsilehen ma halahi hepeng na sasadia be dohot tintin sada be tu si Job.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

HARURUAR 18:13

Ancogotna i juguk ma si Musa giot manguhumi bangso i, jana jongjong ma bangso i di adopan ni si Musa, mamungka sian manyogot lalu tu potang.

HARURUAR 2:20

“Di dia do ia saonnari?” ninna si Jetro tu angka borunia i, “Biasi ditinggalkon hamu ia disi? Kehe ma hamu marpio ia anso mangan ia rap dohot hita.”

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

HARURUAR 24:11

Nada mate dibaen Debata angka pamimpin ni halak Israel i haru pe na dung diida halahi Debata. Dung i rap mangan ma halahi jana rap minum.

HARURUAR 24:5

Dung i disuru si Musa ma angka doli-doli jana dipasahat halahi ma haul na nitutung tu Tuhan jana disambol halahi ma angka lombu songon haul pardonganan.

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

HARURUAR 33:7

Dung i dibuat si Musa ma bandar i jana dipahirbang ia ma dao di ruar ni parbandaran i jana digoari ia ma i Bandar Parmianan Ni Tuhan. Sanga ise halak na manjalahi Tuhan, ro ma ia tu Bandar Parmianan Ni Tuhan na di ruar ni parbandaran i.

DANIEL 10:3

Nada hupangan panganon na tabo, juhut dohot anggur nada masuk tu pamanganku jana nada marsuri au lopus gok tolu minggu honokna.

BILANGAN 10:29

Dung i didokkon si Musa ma tu tungganenia si Hobab, anak ni si Rehuel halak Midian, “Kehe ma hami saonnari, tu inganan na nidok ni Tuhan i giot lehenonNa di hami. Madung dijanjihon Tuhan i, giot baenonNia halak Israel gabe bangso na makmur. Antong ihutkon ma hami, hami bagi pe di ho deba hamakmurannami i.”

LUKAS 14:1

Sanoli topet Ari Sabat, kehe ma Jesus mangan tu bagas ni sada pamimpin ni angka Parise. Sai torus do dipamanat halak Jesus disi.

LUKAS 14:15

Umbege hata i mangkuling ma sahalak sian na niontang i tu Jesus, “Martua ma halak na mangan di Harajaan Ni Debata!”

1 KORINTUS 10:18

Ligi hamu ma jolo halak Jahudi i. Anggo halak na manghaulkon sipanganon na nihaulkon di ginjang ni parhaulan i, halak na mardomu do i dohot inganan i.

1 KORINTUS 10:21

Nada tola hamu minum sian anggur ni Tuhan, diinum hamu muse sian panginuman anggur ni tondi na jahat i. Nada tola hamu mangan di meja ni Tuhan dohot muse di meja ni tondi na jahat.

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

PANGARATAION 27:7

Angkon laing di inganan i muse ma hamu manghaulkon dohot mangankon haul pardonganan dohot mandok tarimakasi di adopan ni Tuhan Debatamunu.