HARURUAR 18:11 - BIBEL JAMITA NA DENGGAN

¹¹ Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

HARURUAR 18:11 ပူးပေါင်းရင်းမြစ်များ

1 RAJA-RAJA 17:24

Dialusi na mabalu i ma, “Saonnari tangkas ma huboto, naposo ni Debata do ho amang jana tutu do mangkobari Tuhan markite-hite ho amang.”

2 RAJA-RAJA 5:15

Kehe ma ia rap dohot dongannia sauduran i mangulahi mandapotkon si Elisa jana didok ia ma, “Saonnari huboto ma, hum sada do Debata di na satano on sude, i ma Debata na nisomba ni halak Israel; hara ni i, sai jop ma roha ni tuan i manjagit silehen-lehenkon.”

1 JUJUR TAON 16:25

Sipuji-pujion do hagodangan ni Tuhan. Manyalpui sude debata patut do nisangap Tuhan.

2 JUJUR TAON 2:5

Angkon luar biasa do Bagas Ni Tuhan na giot bangunonki, dibaen gumodang do antong Debatanami i sian sasude sombaon sanga dia pe.

NEHEMIA 9:10

Dibaen Ho do hahomangan tu raja i, maradopkon pagawe maradu sude rayat di luatna i, dibaen diboto Ho do bangsoMi na niparkancitan ni halahi, gabe tarbonggal ma lopus tu sadari on goarMi.

NEHEMIA 9:16

Hape siginjang roha do ompunami boti na jogal roha, angka parentaMu nada ra halahi mangoloisa.

NEHEMIA 9:29

Digorahon do halahi anso mangoloi tu ajaranMu, tapi ditulakkon halahi do sian ginjang ni rohana uhumMu. Hape nian sugari dipatulus uhumMi, na pasti tarjamin do ngolu ni halahi. Sijogal rungkung do halahi jana na tangkang marroha, na so ra tumangihon, na sai manggaga.

MASMUR 119:21

Digorahon Ho do halak siginjang roha, diburai Ho do halak na manyimbil sian parentaMu.

MASMUR 135:5

Huboto do tangkas, na santak godang do Tuhanta diatasi Ia do sandok debata.

MASMUR 31:23

Haholongi ma Tuhan, o hamu sude bangsoNia, dijagohon Tuhan do sanga ise na setia. Tapi siginjang roha diuhumi Ia, hombar tu pambaenanna.

MASMUR 95:3

Angke Debata na godang do Tuhan, raja na marsahala mangatasi sandok debata.

MASMUR 97:9

Dirajai Tuhan Na Gumincat i do sude tano on na tongam do Ia mangalobii angka debata.

HARURUAR 1:10

Sugari masa ma porang, aropku satahi ma halahi dohot musu i, mangalo hita, dung i tinggalkonon ni halahi ma luat on. Angkon jalahanta ma dalan laho mangambati anso ulang mur tu bahatna halahi.”

HARURUAR 1:16

Ninna raja ni Mesir i ma tu angka bidan i, “Muda ditolong hamu ina ni halak Ibrani na giot manubuhon dakdanak, ingot ma on: Muda halaklahi do na sorang i, bunu hamu! Tapi anggo dadaboru do, padiar hamu ma mangolu.”

HARURUAR 1:22

Jadi diparentahon raja i ma mangulahi tu sude rayatnia, “Sude anak halaklahi di halak Ibrani na baru sorang angkon niambungkon tu Batang aek Nil, tapi sude dakdanak dadaboru, padiar ma mangolu.”

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

HARURUAR 12:12

Di borngin i bolusanKu ma sude tano Mesir, jana bunuonKu ma sude anak halaklahi siangkaan, bope di jolma bope di pahan-pahanan. UhumanKu ma sude sombaon na di Mesir, angke Au do Tuhan.

HARURUAR 14:18

Di na Hutaluhon halahi disi ma tandaon ni halahi bahaso Au do Tuhan.”

HARURUAR 14:8

Dipatangkang Tuhan do roha ni raja i, gabe diayak-ayak ia halak Israel na mardalan maninggalkon luat i di bagasan na niondihon ni Tuhan i.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

HARURUAR 5:2

Disapai raja Mesir i ma, “Ise dehe Tuhan i? Biasi angkon tangihononku i, jana paloasonku kehe bangso Israel? Nada hutanda Tuhan i, jana halak Israel pe nada huloas kehe.”

HARURUAR 5:7

“Ulang be nilehen durame tu bangso i laho pauli batu bata. Padiar ma marsijalahi di ibana halahi.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

BILANGAN 33:4

di hatiha mananom anak siangkaan ni halahi na dung dibunu Tuhan i. Marhite na songon i ma dipatidahon Tuhan i, na gumogo do Ia sian angka debata ni halak Mesir.

LUKAS 1:51

Dohot tanganNia na gogo i diparsuakkon Ia angka halak na sombong, jana dipasarsar Ia tahi ni halahi.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

1 SAMUEL 2:3

Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.