HARURUAR 18:1 - BIBEL JAMITA NA DENGGAN

¹ Tarbege ma tu si Jetro tulang ni si Musa, malim na di Midian i na nibaen ni Debata di si Musa bope di bangso Israel di na nipimpinNia halahi ruar sian Mesir.

HARURUAR 18:1 ပူးပေါင်းရင်းမြစ်များ

MASMUR 105:43

Jadi ditaruhon Ia bangsoNia mardongan jop ni roha, marendei halahi marsurak marmoga-moga.

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

MASMUR 106:2

Ise do na tarbaen mamaritahon hagodangan ni pambaenanNia, dohot mangalehen puji-pujian na patut diSia?

MASMUR 34:2

Sai giot marmoga-moga do au hara ni karejoNia, anso nian dibege halak na hona sosak i jana marjop roha.

MASMUR 44:1

Hami bege sandiri do, ale Debata, holong ni roha na nibaritahon ni ompunami, taringot tu hagodangan ni karejo na nipatulusMu di hatiha na salpu di na robi.

MASMUR 78:4

Nada i giot bunihononta sian angka dakdanakta, tapi pajojoronta do i tu sundut na mangihut taringot tu kuaso ni Tuhan dohot karejoNa na pahomang roha, dohot angka pambaenanNia na so tartangkup roha.

HARURUAR 2:18

Dung mulak halahi disapai amang ni halahi ma, “Biasi sigop hamu mulak sadari on?”

HARURUAR 2:21

Dipasada si Musa do rohania maringanan disi. Dung i dilehen si Jetro ma borunia si Zipora di si Musa gabe dadaborunia.

HARURUAR 3:1

Di sada ari dompak diparmahan si Musa angka biri-biri dohot hambeng ni si Jetro, tulangnia malim di tano Midian i, jana hatiha mangolat pahan-pahanan i ia tu bariba ni halongonan, lalu ma ia tu Dolok Sinai, i ma dolok na badia.

HARURUAR 4:18

Mulak ma si Musa tu bagas ni si Jetro tulangna i, ning ia ma, “Paloas hamu ma mulak au tu Mesir laho mangaligi angka kahanggingku sanga na mangolu dope halahi.” Dioloi si Jetro do i jana dipaloas ia kehe si Musa.

HARURUAR 6:6

Jadi baen ma boa-boa tu bangso Israel, bahaso madung Hudok tu halahi: ‘Au do Tuhan; sai na urupanKu do hamu jana paluaonKu sian parhatobanon ni bangso Mesir i. SurduhononKu tanganKu na gogo i mandabu uhum na dokdok tu bangso Mesir, jana paluaonKu hamu.

JEREMIA 33:9

Gabe hamogaan dohot hagodangan ni rohangKu ma Jerusalem. Sandok bangso na di tano on gabe mabiar jana humitir gabe pasangap Au muda dibege halahi taringot tu sude hadengganan na Hubaen tu halak Jerusalem dohot taringot tu hadameon na Hulehen tu kota i.”

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

BILANGAN 10:29

Dung i didokkon si Musa ma tu tungganenia si Hobab, anak ni si Rehuel halak Midian, “Kehe ma hami saonnari, tu inganan na nidok ni Tuhan i giot lehenonNa di hami. Madung dijanjihon Tuhan i, giot baenonNia halak Israel gabe bangso na makmur. Antong ihutkon ma hami, hami bagi pe di ho deba hamakmurannami i.”

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

BAENON NI ANGKA RASUL 15:12

Gabe tarhohom ma sudena na marlagut i disi. Dung i dibege halahi ma si Barnabas dohot si Paulus mangulahi mambaritahon sudena tanda-tanda dohot hahomangan na nibaen ni Debata markite-hite halahi di tonga-tonga ni bangso na asing na so Jahudi.

SURAT NI SI PAULUS TU PARLAGUTAN ROM 15:18

Angke nada puluk au mangkobari taringot tu bagi aha pe, asing ni na dikarejohon ni Kristus markite-hite au, anso hupatunduk angka bangso na asing tu pangoloion, markite-hite hata dohot pambaenan,

JOSUA 2:10

Na dung hami bege do baritana bagi na songon dia dibaen Tuhan pahiangkon Laut Rara di jolo ni matamunu di na kehe hamu manadingkon Mesir. Hami bege muse do sanga na bia dibaen hamu mamunu si Sihon dohot si Og raja ni bangso Amori na dua i di Habincaran ni Batang aek Jordan.

JOSUA 9:9

Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir.

HAKIM-HAKIM 1:16

Angka halak Keni, i ma pomparan ni si Hobab, ipar ni si Musa, didongani halahi ma halak Juda haruar sian Jeriko, kota Kurma, jana kehe tu luat na harsang na di Selatan ni Arad na di Juda. Disi ma halahi hot maringanan di tonga-tonga ni bangso Amalek.

HAKIM-HAKIM 4:11

Di hatiha i, madung disirang si Heber halak Keni i dirina sian bangsonia. (Bangso Keni, i ma pomparan ni si Hobab, tunggane ni si Musa.) Ma kehe si Heber on mamasang angka bandarnia di lambung ni harangan tusam na di Zaanaim, nada pola sadia dao sian Kedes.