HARURUAR 17:6 - BIBEL JAMITA NA DENGGAN

⁶ Jongjong pe Au di jolomu di sada batu di Dolok Sinai. Lipat ma batu i, gabe haruar ma aek sian batu i, anso minum halahi.” Dibaen si Musa ma songon i disaksihon angka pamimpin ni Israel i.

HARURUAR 17:6 ပူးပေါင်းရင်းမြစ်များ

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

MASMUR 105:41

Dibola Ia dolok batu gabe mamincar aek, mardalan di parhorsihan songon batang aek.

MASMUR 114:8

Ia do na pauba batu karang gabe tobat, jana dolok batu gabe mual ni aek na mardalan.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 74:15

Dibaen Ho do mual dohot batang aek na mardalan, dipahiang Ho batang aek na godang.

MASMUR 78:18

Sangajo do halahi manguji Debata, di na mangido sipanganon por ni rohana.

MASMUR 78:20

Tutu do nian dipotuk Ia batu na koras, gabe mardalan aek na doras. Tapi margogo ma he Ia pasingkop roti dohot mangalehen juhut dison tu bangso i?”

MASMUR 81:7

Di bagasan hasusaanmu pio-pio do hamu tu Au, gabe ro do Au paluahon hamu. Hualusi pe sian ronggur, inganan partabunianKu, di mata mual Meriba, Huuji hamu.

HARURUAR 14:16

Buat ma tungkotmu, pahortang ma tu ginjang ni laut i. Gabe mabola ma aek i, jana tarbaen halak Israel ma manaripari laut i mardalan di tano na mahiang.

HARURUAR 16:10

Hatiha mangkobari dope si Harun tu bangso i sude, humusor ma halahi adop parhorsihan, jana tompu ma diida halahi sumirlak sinondang ni Tuhan di bagasan ombun i.

JESAYA 48:21

Nada manguas halahi, hatiha ditogu Ia halahi mamolus inganan na gariang. Diharuarkon Ia aek sian dolok batu di halahi. Dibola Ia dolok batu, gabe mamincar ma aek.

BILANGAN 20:8

“Buat ma tungkot na di Poti Parjanjian i, dung i rap ma ho dohot si Harun palagutkon sude bangso i. Mangkatai ma ho di jolo ni halahi sude tu batu na godang na disi, dung i gabe mamancur ma aek haruar sian batu i. Marhite i gabe tarparuar ho aek sian batu na godang i anso minum sude halahi dohot pahan-pahanan ni halahi.”

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

1 KORINTUS 10:4

jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

PANGARATAION 1:2

Sian Dolok Sinai lalu tu Kades-Barnea mamolus sian Luat Edom na mardolok-dolok i, adong dalanan sabolas ari daona.)

PANGARATAION 8:15

Dipimpin Tuhan do hamu mamolus parhorsihan na bolak jana na jorbut i, disi bahat ulok na marbisa dohot hala. Di tano na mahiang na so maraek i disuru Ia do mardalan aek sian batu mamak na pir i anso minum hamu sapuas-puasna.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!