HARURUAR 17:3 - BIBEL JAMITA NA DENGGAN

³ Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

HARURUAR 17:3 ပူးပေါင်းရင်းမြစ်များ

NEHEMIA 9:15

Dompak male jana hurang mangan halahi, dipaijur Ho do roti sian langit i. Jana sian batu na himpal, na gogo jana na koras, dipadalan Ho aek na pasombu nguas maradu doras. Disuru Ho do halahi mangingani tano, na nijanjihonMu tu halahi mardongan sumpa.

NEHEMIA 9:20

Marhite kuasoMu na denggan i, diajar Ho do halahi. Mangan manna halahi jana minum aek tuk disi.

MASMUR 107:5

Manguas halahi jana tangkuraparon mago sude na niarop ni rohana.

HARURUAR 12:38

Bahat dope halak na asing, bahat biri-biri, hambeng, lombu dohot angka pahan-pahanan na asing.

HARURUAR 14:11

Ninna halahi ma tu si Musa, “Aha do na nibaenmu tu hami? Na so adong dehe lakna kuburan di tano Mesir? Angkon obanonmu ma he hami, anso mate di inganan on? Ligi ma, patunda ni na niobanmon hami ruar sian Mesir!

HARURUAR 15:24

Gabe mungut-ungut ma halahi tu si Musa, marsapa, “Aha noma inumonta?”

BILANGAN 14:22

bahaso sian sude halak on, umpe adong na torus mangolu laho masuk tu tano na Hujanjihon tu ompu ni halahi. Angke nada ra halahi mangoloi Au, tongtong do diuji halahi Au. Haru pe na dung diida halahi sinondang ni ingananKu na mambaen siloan halahi, jana madung diida halahi muse angka hahomangan na Hubaen di Mesir dohot di parhorsihan.

BILANGAN 20:4

Biasi obanonmu hami tu parhorsihan on? Adong he, anso mate dison hami rap dohot pahan-pahanannami i?