HARURUAR 17:14 - BIBEL JAMITA NA DENGGAN

¹⁴ Dung i didok Tuhan ma tu si Musa, “Suratkon ma taringot tu hamonangan on, anso sai tongtong dipaingot-ingot. Dok tu si Josua, na giot lantuhanKu do sude halak Amalek on.”

HARURUAR 17:14 ပူးပေါင်းရင်းမြစ်များ

2 SAMUEL 1:1

Dung jumolo si Saul, di na mulak ma si Daud sian parporangan manaluhon halak Amalek, jana tinggal ia dua ari di Ziklag,

2 SAMUEL 8:12

I ma angka bangso Edom, Moab, Amon, Pilistin dohot Amalek, laing songon i dohot barang rampasan na nibuatnia sian si Hadadeser.

1 JUJUR TAON 4:42

Pinda ma lima ratus halak nari tu Edom Habincaran sian Marga Simeon, na nipimpin ni angka anak ni si Jisei, i ma si Pelaca, si Nearia, si Refaya dohot si Usiel.

1 JUJUR TAON 4:43

Dibunu halahi ma halak Amalek na tinggal i lalu hot ma halahi maringanan disi lopus tu sadari on.

ESRA 9:14

Jadi, bia muse dope hami pasidungkon angka parentaMu jana marsibuatan boru hami dohot angka jolma na jahat i? Muda laing hami baen dope antong songon i, ma pasti sun murukMu, gabe roncohononMu hami jana nada padiaronMu sahalak pe mangolu.

JOB 18:17

Nada adong be na manandasa di kota dohot di balian; umpe sahalak be na marningot di goarna.

JOB 19:23

Iale, sugari nian disuratkon ma na hupardokkoni on, anso laing adong sipaingot-ingoton;

MASMUR 9:6

Dironcohon Ho musu dohot angka kota ni halahi, nada adong be na marningot i.

HARURUAR 12:14

Ari on ma ari parningotan di hamu. Angkon pagodangonmunu do ari on laho marningot angka aha na dung Hubaen. Rayahon hamu ma ari on salolot-lolotna.”

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 17:13

Ujungna talu ma sude halak Amalek i dibaen si Josua.

HARURUAR 24:4

Disuratkon si Musa ma sude parenta ni Tuhan i. Ancogotna i andos torang dope, dipajongjong ia ma langgatan di pat ni dolok i na nibaennia sian dua bolas batu; ganop batu ma mangwakili ganop marga ni Israel na dua bolas i.

HARURUAR 32:33

Tapi dialusi Tuhan i ma, “Sanga ise na mardosa tu Au, goar ni i do na Husesa sian bukungKu.

HARURUAR 34:27

Didok Tuhan ma tu si Musa, “Suratkon ma sudena hata on, harana baenonKu ma parjanjian dohot ho bope dohot Israel, marojahan tu hata on.”

PODA 10:7

Marrumang pasupasu do halak na burju diparningotan, tapi halak na jahat ompot do dihalupahon.

JEREMIA 30:2

Songon on ma didok Tuhan, Debata ni Israel, “Suratkon ma sude hata na dung Hudokkon i tu ho, tu bagasan buku.

JEREMIA 36:2

“Buat ma sude balunan ni karotes jana suratkon ma sude na dung Hutonahon tu ho salaho tu Israel dohot Juda, bope taringot tu sude bangso. Suratkon ma sude hata na Hudokkon i mamungka sian pangkataionKu na parjolo tu ho dompak Raja Josia mamarenta lalu tu sadari on.

BILANGAN 24:20

Dung i hatiha marbuka parnidaan ni si Bileam diida ia ma halak Amalek, dung i didok ia ma ulpuhannia songon on, “Sian sude bangso di tano on, Amalek do na gumodang hakuasoon. Tapi bangso on pe di ujungna, angkon mago muse sapanjangna.”

BILANGAN 33:2

Diparentahon Tuhan ma tu si Musa anso disuratkon ia sude inganan paradianan ni halahi muda giot marbandar.

PANGARATAION 31:9

Dung i disuratkon si Musa ma angka Tona Ni Tuhan Debata jana dilehen ia ma i tu angka Malim Levi na ditugaskon mangurus Poti Parjanjian i, dohot tu angka pamimpin ni Israel.

JOSUA 4:7

paboa hamu ma tu halahi bahaso na jungada mahiang Batang aek Jordan on di na dioban Poti Parjanjian ni Tuhan manaripari batang aek i. Sai na paingoton ni angka batu on do halak Israel tu pangalaho na masa dison.”

1 SAMUEL 15:18

boti muse na disuru ni Tuhan do raja i mamusa halak Amalek na jahat i. Disuru Tuhan raja i marporang mangalo halahi lopus abis halahi.

1 SAMUEL 30:1

Dung dua ari, mulak ma si Daud dohot parangannia i tu Ziklag. Dung lalu disi, didapot halahi ma na dung mangaroro halak Amalek tu Juda Selatan dohot mamorangi Ziklag.

1 SAMUEL 30:17

Di na laho torang ari ancogotna i, diroro si Daud ma halahi jana marporang ma lopus borngin. Asing ni siopat ratus halak doli-doli na maporus mangalombut unto, sahalak pe nada adong na malua musu i.