HARURUAR 17:10 - BIBEL JAMITA NA DENGGAN

¹⁰ Jadi dipatulus si Josua ma sanga songon dia na niparentahon ni si Musa i tusia. Kehe ma ia mamorangi halak Amalek; tapi anggo si Musa, si Harun dohot si Hur manangkok ma tu dolok lopus tu puncutna an.

HARURUAR 17:10 ပူးပေါင်းရင်းမြစ်များ

1 JUJUR TAON 2:19

Dung jumolo si Asuba, dibuat si Kaleb ma disia si Efrat jana adong ma anaknia na margoar si Hur.

HARURUAR 17:11

Salolot dipahortang si Musa tangannia i, monang ma halak Israel. Tapi muda hum madabu tangannia i, monang ma halak Amalek.

HARURUAR 17:12

Jadi dung loja tangan ni si Musa, dibuat si Harun ma dohot si Hur sada batu juguhan ni si Musa; jongjong ma si Harun dohot si Hur di siamun siambirang ni si Musa laho manungkol tangannia i anso hot toltol lopus sundut mataniari.

HARURUAR 24:14

Didok si Musa ma tu angka pamimpin ni halak Israel i, “Painte hamu ma di inganan parbandaran on lopus mulak hami. Dison do si Harun dohot si Hur donganmunu. Sanga ise na adong parsoalanna, mangadop ma tu halahi anso adong hasidunganna.”

HARURUAR 31:2

“Madung Hutodo si Besaleel anak ni si Uri, pahompu ni si Hur sian Marga Juda,

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

JOHANNES 2:5

Dung i didok inangNia i ma tu angka parkobas na disi, “Muda disuru Ia hamu mambaen sanga na aha, baen hamu ma songon i.”

JOSUA 11:15

Songon na niparentahon ni Tuhan tu si Musa naposoNa i, songon i do diparentahon si Musa tu si Josua, jana dipatulus si Josua do sude parenta i; sada pe nada adong na so dipadalan ia.