HARURUAR 16:8 - BIBEL JAMITA NA DENGGAN

⁸ Dung i ninna si Musa ma, “Lehenon ni Tuhan ma di hamu juhut panganonmunu di potang ni ari, dohot roti sanga sadia giotmunu manyogot, angke madung dibege Tuhan ungut-ungutmunu tuSia. Muda marungut-ungut hamu tu hami, satutuna tu Tuhan do hamu na marungut-ungut i.”

HARURUAR 16:8 ပူးပေါင်းရင်းမြစ်များ

HARURUAR 16:12

“Madung Hubege ungut-ungut ni halak Israel. Dok ma di halahi, muda andospotang dapotan juhut ma halahi baen panganon, jana manyogotna i dapotan roti ma halahi sanga sadia giotna. Gabe botoon ni halahi ma, bahaso Au do Tuhan, Debata ni halahi.”

HARURUAR 16:9

Didok si Musa ma tu si Harun, “Suruhon ma ro sude bangso i tu adopan ni Tuhan, angke madung dibege Ia ungut-ungut ni halahi.”

HARURUAR 17:2

Dung i marungut-ungut ma halahi tu si Musa, ninna ma, “Lehen di hami aek inumon.” Dialusi si Musa ma, “Biasi marungut-ungut jana diuji hamu Tuhan?”

JESAYA 32:6

Halak na bodo mandok hata ma i songon na bodo, jana na mambaen sangkap na jat. Sanga aha pe na nibaen sanga na nidoknia, laing matua palayaskon Tuhan do i. Na so unjung do ia mangalehen mangan di halak na malean sanga minum tu halak na manguas.

JESAYA 37:29

Madung Hubege do sanga songon dia ginjang ni rohami. Saonnari Hubaen harihir di igungmu dohot kokang di babamu, anso Hutarik ho mulak mamolus dalan na nibolusmu di na laho ro.”

BILANGAN 11:18

Pabolkas ma saonnari tu bangso i, ‘Paias hamu ma dirimunu ancogot, anso mangan juhut hamu. Madung dibege Tuhan partangisan dohot ungut-ungutmunu, na malungun hamu mangan juhut, jana na dumenggan dihilala hamu ngolumunu tingki di Mesir. Saonnari lehenon ni Tuhan ma juhut di hamu, jana angkon panganonmunu i.

BILANGAN 14:27

“Sadia honok nari halak na jahat on, sai marungut-ungut jana mangalo Au? Madung ingoran Au pabege-bege angguk-angguk ni halahi.

BILANGAN 21:7

Jadi ro ma halak Israel manopot si Musa, ninna ma, “Madung mardosa hami hara ni ungut-ungutnami tu Tuhan dohot tu ho. Pangido ma saonnari tu Tuhan anso dipadao ulok on sian hami.” Jadi ditangiangkon si Musa ma bangso i.

MATEUS 10:40

“Na manjagit hamu, Au do na nijagitna. Halak na manjagit Au, dijagit ia muse do na marsuru Au.

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

JOHANNES 13:20

Tutu do na Hudok on tu hamu: Sanga ise na manjagit suruanKu, na manjagit Au do i. Sanga ise na manjagit Au, Debata na marsuru Au do na nijagitna disi.”

SURAT NI SI PAULUS TU PARLAGUTAN ROM 13:2

Hara ni i, muda adong halak na mangalo pamarenta, sarupa dohot na mangalo tu hatontuan ni Debata do i. Jana siuhumon do halak na songon i.

1 KORINTUS 10:10

Ulang ma hamu mungut-ungut songon na nikarejohon ni na deba sian halahi, gabe mago ma halahi dibaen sipangago i.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.

1 SAMUEL 8:7

jana didok Tuhan ma, “Oloi ma sude pangidoan ni bangso i tu ho. Angke nada ho na nitulak ni halahi, tapi Au do. Nada dihagioti halahi be marrajahon Au.