HARURUAR 16:7 - BIBEL JAMITA NA DENGGAN

⁷ Manyogot idaonmunu ma sumirlak sinondang sian hamuliaan ni Tuhan. Madung dibege Tuhan angka ungut-ungutmunu tuSia, olo tutu, maradopkon Tuhan. Angke anggo hami, hum patulus na niparentahonNia do.”

HARURUAR 16:7 ပူးပေါင်းရင်းမြစ်များ

HARURUAR 16:10

Hatiha mangkobari dope si Harun tu bangso i sude, humusor ma halahi adop parhorsihan, jana tompu ma diida halahi sumirlak sinondang ni Tuhan di bagasan ombun i.

HARURUAR 16:12

“Madung Hubege ungut-ungut ni halak Israel. Dok ma di halahi, muda andospotang dapotan juhut ma halahi baen panganon, jana manyogotna i dapotan roti ma halahi sanga sadia giotna. Gabe botoon ni halahi ma, bahaso Au do Tuhan, Debata ni halahi.”

HARURUAR 16:8

Dung i ninna si Musa ma, “Lehenon ni Tuhan ma di hamu juhut panganonmunu di potang ni ari, dohot roti sanga sadia giotmunu manyogot, angke madung dibege Tuhan ungut-ungutmunu tuSia. Muda marungut-ungut hamu tu hami, satutuna tu Tuhan do hamu na marungut-ungut i.”

HARURUAR 24:10

disi ma diida halahi Debata ni halak Israel i. Sidegean ni patNa i tarsongon lante na sian batu nilam, rata langit idaon.

HARURUAR 24:16

Mijur muse ma sinondang na manyirlak sian hamianan ni Tuhan tu ginjang ni dolok i. Songon api na gara do diida halak Israel sinondang i di ginjang dolok i. Ditutupi ombun do dolok i onom ari lolotna. Di ari papituhon, pio-pio ma Tuhan sian ombun i tu si Musa.

HARURUAR 40:34

Dung i mijur ma ombun manutupi Bandar Na Badia i jana digohi sinondang na marnyala sian haroro ni Tuhan ma Bandar Parmianan.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JESAYA 40:5

Gabe patangkason ma hagodangan ni Tuhan, rap midaan ma sude jolma. Tuhan sandiri do manjanjihonsa.”

HAMALIMON 9:6

Dung i didok si Musa ma, “Sude hamu madung disuru Tuhan i mambaen songon on, anso tarligi hamu sinondang na silo i na ro sian inganan ni Tuhan.”

BILANGAN 14:10

Sude halahi mangancam giot mandangguri halahi na opat dohot batu lopus mate. Hape tompu ma diida angka jolma i sinondang na silo situtu sian Inganan Ni Tuhan, ruar sian ginjang ni Bandar ParmiananNa i.

BILANGAN 14:27

“Sadia honok nari halak na jahat on, sai marungut-ungut jana mangalo Au? Madung ingoran Au pabege-bege angguk-angguk ni halahi.

BILANGAN 16:11

Muda marungut-ungut ho Korah dohot angka donganmi laho mangalo si Harun, Tuhan do na nialomunu!”

BILANGAN 16:42

Dung rap dialo halahi si Musa dohot si Harun, manaili ma halahi tu Bandar Parmianan Ni Tuhan. Diida halahi ma ombun manutup Bandar Parmianan jana tarida ma sinondang haroro ni Tuhan manyirlak-nyirlak pola gabe silo.

BILANGAN 17:5

Martunas do muse tungkot ni halak na dung Hupili. Marhite on ma antahonKu holso ni angka jolma na sai torus marungut-ungut mangalo Au.”

JOHANNES 11:4

Dung dibege Jesus barita i didok Ia ma, “Nada pola mate ia baenon ni nyae i. Anso marsangap do Debata umbaen na marnyae si Lasarus; anso laing dohot muse ma dipasangap Anak Ni Debata.”

JOHANNES 11:40

Didok Jesus ma tu si Marta, “Na he madung Hudok tu ho: Anggo porsaya ho, idaonmu do hasangapan ni Debata!”