HARURUAR 16:32 - BIBEL JAMITA NA DENGGAN

³² Ninna si Musa ma, “Diparentahon Tuhan do anso tapaasing saotik manna i simpanonta di pomparanta, anso dohot halahi marnida panganon na nilehen ni Tuhan tu hita di parhorsihan hatiha dioban Ia hita haruar sian tano Mesir.”

HARURUAR 16:32 ပူးပေါင်းရင်းမြစ်များ

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

HARURUAR 16:16

Madung diparentahon Tuhan anso ganop hamu palagutkon marguru tu haporluanna, dua liter ma di sada halak ganop ripe.”

HARURUAR 16:31

Dung i digoari halak Israel ma panganon i “manna”. Pangalahona songon parbatu na menek, tompana bontar, daina songon roti mardongan aer ni loba.

HARURUAR 16:33

Didokkon si Musa ma tu si Harun, “Buat jolo sada gunci, pamasuk ma dua liter manna i tu bagasan, jana payakkon ma i di inganan parmianan ni Tuhan simpanonta di angka pomparanta.”

JEREMIA 7:23

Anggo na Huparentahon tu halahi, hum pangoloion tu Au do anso Au gabe Debata ni halahi, jana halahi gabe bangsongKu. Husuru halahi anso mangolu mangihutkon angka na Huparentahon anso martua halahi.

HOSEA 11:4

Mardongan ihot-ihot holong ni roha, Hutarik halahi tu Au. Songon na mangangkat auga do Au di halahi. Hupaunduk do tu halahi laho marmamasa.

LUKAS 22:19

Dung i dibuat Jesus ma roti. Dung didokkon Ia tarimakasi tu Debata, dibola-bola Ia ma roti i, dung i diparleheni Ia ma tu halahi jana didok Ia ma, “On ma pamatangKu, [na nilehen di hamu. Baen hamu ma songon i laho marningot Au.”

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.