HARURUAR 16:3 - BIBEL JAMITA NA DENGGAN

³ Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

HARURUAR 16:3 ပူးပေါင်းရင်းမြစ်များ

2 SAMUEL 18:33

Umbege i, marsak sajo ma roha ni raja i, lalu manaek ma ia tu inganan na di ginjang ni pintu horbangan i tangis jana mangandungi ma ia, “Oi anakki! Anakku si Absalom i! Si Absalom anakki! Gumonan do au mate manggontihon anakki! Si Absalom anakki!”

JOB 3:1

Dung i mamungka ma si Job manghatai jana diburai ia ma ari hatutubunia.

JOB 3:10

Hona bura ma borngin na sumalin i da, di na nitubuhon ni dainang iba, jana dipadiar ma songon i marnyae susa.

JOB 3:20

Biasi padiaron mangolu jolma na marhancit i? Biasi lehenon sinondang tu halak na susa?

MASMUR 107:5

Manguas halahi jana tangkuraparon mago sude na niarop ni rohana.

MASMUR 78:19

Dialo halahi do Debata di na nidok ni halahi, “Margogo ma he lakna Debata mangalehen mangan hita di parhorsihan on?

MASMUR 78:25

Dilehen do di halahi panganon surusuruan, gabe mangan ma halahi maradu butongan.

HARURUAR 14:11

Ninna halahi ma tu si Musa, “Aha do na nibaenmu tu hami? Na so adong dehe lakna kuburan di tano Mesir? Angkon obanonmu ma he hami, anso mate di inganan on? Ligi ma, patunda ni na niobanmon hami ruar sian Mesir!

HARURUAR 17:3

Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

HARURUAR 2:23

Dung sanga piga-piga taon honokna, raja Mesir i pe mate ma. Tapi anggo halak Israel tongtong do marhoi-hoi hara ni na diparhatoban, pola tehe gogo sora ni halahi mangido tolong. Lalu ma angguk-angguk ni halahi tu Debata.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 44:17

Sude na dung hami janjihon laing patulusonnami do i. Laing hot do hami manghaulkon haul tu Namora di Langit, dohot manduruskon anggur baen pelean disia songon na dung somal masa di angka kota ni Juda dohot di angka dalan na di Jerusalem, dipadalan angka ompunami, angka raja-raja dohot angka pamimpinnami maradu hami sandiri. Anggo di hatiha i tuk do panganonnami, sonang do hami jana nada adong na maol sanga na aha.

ANDUNG 4:9

Maruntungan noma mate di parporangan, sian na mate malean. Mardangol halahi boti muli-muli markancit, hara ni na so adong panganon sian ladang.

BILANGAN 11:15

Muda laing songon i do baenonMu Tuhan tu au, ibo ma rohaMu, gonan ma au bunu anso ulang hutaon be parkancitan na niampehonMon tu au.”

BILANGAN 11:20

Tapi sabulan honokna mangan juhut hamu, lopus gabe marnyae jana muta-uta hamu patundana. Masa pe songon i hara ni na ditulak hamu do Tuhan na adong ditonga-tongamunu. Dohot hara ni ungut-ungutmunu tuSia, bahaso na dumenggan hian ulang ditinggalkon hamu Mesir.’ ”

BILANGAN 14:2

Marungut-ungut ma halahi tu si Musa dohot tu si Harun. Ninna halahi ma, “Dumenggan ma mate hian hita di Mesir sanga pe di parhorsihan on.

BILANGAN 14:3

Biasi pola obanon ni Tuhan i hita tu tano Kanaan? Mate ma hita di parporangan dohot angka dongan sabagasta be bope angka dakdanakta tabanonna. Nada he dumenggan hita mulak tu Mesir?”

BILANGAN 16:13

Madung tuk ho maroban hami haruar sian Mesir na napu i laho mamunu hami di parhorsihan on. Saonnari ho muse dope markuaso tu hami?

BILANGAN 16:41

Ancogotna i, marungut-ungut ma sude halahi tu si Musa dohot tu si Harun. Ninna halahi ma, “Madung dibunu hamu deba sian halak ni Tuhan i.”

BILANGAN 21:5

gabe marungut-ungut ma halahi tu Debata dohot tu si Musa. Ninna halahi ma, “Biasi obanonmu hami haruar sian Mesir, anso bunuonmu hami di parhorsihan on, so adong panganon dison, aek pe nada adong. Gialan hami hara ni panganon na so mardai on!”

BAENON NI ANGKA RASUL 26:29

“Sigop sanga na lolot, hutangiangkon do tu Debata anso gabe porsaya hamu sudena na umbege hatangkon sadari on, raja i dohot angka ama na dison anso gabe songon au on – asing sian rante on!”

1 KORINTUS 4:8

Nada adong be na hurang di hamu! Madung mamora hamu! Ma gabe raja hamu! Hape hami inda. Denggan ma i, muda tutu do raja hamu, anso tarbaen hami rap dohot hamu mamarenta.

2 KORINTUS 11:1

Sugari ra ma hamu sobar di hatoonku na saotik i, arop do rohangku hasobarkononmunu au.

PANGARATAION 28:67

Gumadobuk ma taroktokmunu hara ni biar marnida sanga aha. Manyogot dope hurang tibu ro borngin, jana muda borngin-borngin intean ho di arian.

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.

JOSUA 7:7

Didok si Josua ma tu Tuhan, “O Tuhan Debatangku! Aha dehe gunana Ho maroban hami tu bariba ni Jordan on? Adong he na giot pasahatkon hami do tu angka halak Amori? Anso mate do hami? Dumenggan hian ma hami laing tinggal di bariba ni Jordan!